Story Dated: Friday, December 5, 2014 08:06
കാട്ടാക്കട: ക്രിസ്‌ത്യന്‍ കോളജില്‍ എസ്‌.എഫ്‌.ഐ. വിദ്യാര്‍ഥി പരീക്ഷയെഴുതാന്‍ കഴിയാത്തതില്‍ മനംനൊന്ത്‌ ആത്മഹത്യക്ക്‌ ശ്രമിച്ചതിനെതുടര്‍ന്ന്‌ പള്ളിയില്‍ കയറി അതിക്രമംകാട്ടിയ സംഭവത്തില്‍ രണ്ടുപേരെ കൂടി കാട്ടാക്കട എസ്‌.ഐ. രതീഷിന്റെ നേതൃത്വത്തിലുള്ള പോലീസ്‌ ചൂണ്ടുപലകയില്‍ നിന്നും അറസ്‌റ്റുചെയ്‌തു. ഡി.വൈ.എഫ്‌.ഐ. പ്രവര്‍ത്തകന്‍ വീരണകാവ്‌ കുറകോണം തടത്തരികത്തുവീട്ടില്‍ വിപിന്‍ (24), എസ്‌.എഫ്‌.ഐ. പ്രവര്‍ത്തകന്‍ കല്ലിയൂര്‍ തെറ്റിവിള ശരത്‌ ഭവനില്‍ ശരണ്‍ (19) എന്നിവരെയാണ്‌ പോലീസ്‌ പിടികൂടിയത്‌.
ഒരാഴ്‌ച മുമ്പ്‌ ക്രിസ്‌ത്യന്‍ കോളജില്‍ നടന്ന എസ്‌.എഫ്‌.ഐ. സമരത്തിന്റെ മറവില്‍ സമീപത്തെ സി.എസ്‌.ഐ. പള്ളി അങ്കണത്തില്‍ കയറി പുരോഹിതന്മാരെ ഉള്‍പ്പെടെ ഒരു സംഘം ആക്രമിച്ചിരുന്നു. ഇതില്‍ വ്യാപക പ്രതിഷേധം ഉയരുന്നതിനിടെയാണ്‌ എസ്‌.എഫ്‌.ഐ.-ഡി.വൈ.എഫ്‌.ഐ. പ്രവര്‍ത്തകര്‍ പിടിയിലാകുന്നത്‌.
from kerala news edited
via IFTTT
