Story Dated: Sunday, February 1, 2015 03:00
മാനന്തവാടി: തൊണ്ടര്‍നാട്‌ പഞ്ചായത്തിലെ രണ്ടാം വാര്‍ഡ്‌ അര്‍ച്ചനാ കുടുംബശ്രീയുടെ അക്കൗണ്ടില്‍ നിന്നും പണം തട്ടിപ്പ്‌ നടത്തിയ എ.ഡി.എസിനെതിരെയും ഇതിനുസഹായിച്ച ബി.ജെ.പി നേതാവിനെതിരെയും നടപടി സ്വീകരിക്കണമെന്ന്‌ പ്രദേശവാസിയും, പൊതുപ്രവര്‍ത്തകനുമായ രാജന്‍ മാവള്ളില്‍ പത്രസമ്മേളനത്തില്‍ ആവശ്യപ്പെട്ടു.
മാനന്തവാടി മണ്ഡലം ബി.ജെ.പി പ്രസിഡന്റിന്റെ ഭാര്യ എ.ഡി.എസായ കുടുംബശ്രീയില്‍ നിന്നും 23169 രൂപ തട്ടിപ്പ്‌ നടത്തിയതായി പഞ്ചായത്ത്‌ ഓഡിറ്റിംഗില്‍ കണ്ടെത്തിയിരുന്നു. പിന്നീട്‌ ബാങ്ക്‌ പാസ്‌ബുക്കുകള്‍ തിരുത്തിയും കുടുംബശ്രീ പ്രവര്‍ത്തകരെ ഇവര്‍ വഞ്ചിക്കുകയായിരുന്നു. ഇതിനായി ഇവരുടെ ഭര്‍ത്താവാണ്‌ സഹായങ്ങള്‍ ചെയ്‌തുനല്‍കിയത്‌. ഇതുസംബന്ധിച്ച്‌ തൊണ്ടര്‍നാട്‌ പഞ്ചായത്തില്‍ പരാതി നല്‍കിയിട്ടുണ്ട്‌. ആദിവാസി സ്‌ത്രീകളുള്‍പ്പടെ പാവപ്പെട്ട സ്‌ത്രീകളുടെ പണം തട്ടിയവര്‍ക്കെതിരെ കര്‍ശന നടപടി വേണമെന്നും രാജന്‍ ആവശ്യപ്പെട്ടു.
from kerala news edited
via IFTTT
