Story Dated: Sunday, February 1, 2015 03:00
കല്‍പ്പറ്റ: ആനപ്പാറ വീട്ടിക്കാട്‌, പക്കാളിപള്ളം എന്നീ പ്രദേശങ്ങളിലെ കര്‍ഷകരുടെ ആവശ്യമായ ഭൂനികുതി സ്വീകരിക്കണമെന്നുള്ള ആവശ്യത്തിന്‌ റവന്യൂ മന്ത്രി അടൂര്‍ പ്രകാശ്‌ നടത്തിയ അദാലത്തില്‍ തീരുമാനമായി.
ഇതുമായി ബന്ധപ്പെട്ട്‌ ആക്ഷന്‍ കമ്മിറ്റി കണ്‍വീനര്‍ കെ. രവിയുടെ നേതൃത്വത്തില്‍ പ്രതിനിധി സംഘം മന്ത്രിയെ കാണുകയും കാലകാലങ്ങളായി ഉദ്യോഗതലത്തില്‍ നടക്കുന്ന അനാസ്‌ഥയെക്കുറിച്ച്‌ ബോധ്യപ്പെടുത്തുകയും ചെയ്‌തതിനെ തുടര്‍ന്നാണ്‌ രണ്ടുമാസത്തിനുള്ളില്‍ ജോയിന്റ്‌ വെരിഫിക്കേഷന്‍ നടത്തി നികുതി സ്വീകരിക്കുവാനുള്ള ഉത്തരവ്‌ നല്‍കുകയും ചെയ്‌തു. പ്രതിനിധി സംഘങ്ങള്‍, വിവിധ രാഷ്ര്‌ടീയ, സാംസ്‌കാരിക പ്രവര്‍ത്തകര്‍ എന്നിവരുമുണ്ടായിരുന്നു. ബി. ശിവരാജ്‌, കോയ ഹസന്‍, ഇബ്രാഹിം, ഹബീബ്‌, മൊയ്‌തീന്‍, ഹസന്‍, കുഞ്ഞിമുഹമ്മദ്‌, സി. ഉണ്ണികൃഷ്‌ണന്‍, എം.പി. വിനോദ്‌, ജോയി, സത്യന്‍, മുഹമ്മദ്‌ എന്നിവരുമുണ്ടായിരുന്നു.
from kerala news edited
via IFTTT
