Story Dated: Tuesday, January 6, 2015 06:18
കല്ലമ്പലം: മണമ്പൂര്‍ ഗ്രാമപഞ്ചായത്തില്‍ നടപ്പാക്കിയ അശാസ്‌ത്രീയമായ വീട്ടുകരത്തിന്റെ വര്‍ദ്ധന പുന:പരിശോധിക്കണമെന്ന്‌ ആവശ്യപ്പെട്ട്‌ മണമ്പൂര്‍ പഞ്ചായത്ത്‌ സെക്രട്ടറിയെ തടഞ്ഞു വച്ചു. നിലവിലെ ഇടതുമുന്നണി നേതൃത്വം കൊടുക്കുന്ന ഭരണസമിതി നികുതിയുടെ കാര്യത്തില്‍ ഒളിച്ചുകളി തുടരുകയാണെന്നും ജനജീവിതം ദു:സഹമായെന്നും കോണ്‍ഗ്രസ്‌ നേതാക്കള്‍ ആരോപിച്ചു. ഉപരോധം സംഘര്‍ത്തിലേക്ക്‌ നീങ്ങിയതിനെ തുടര്‍ന്ന്‌ കോണ്‍ഗ്രസ്‌ നേതാക്കളും കടയ്‌ക്കാവൂര്‍ സബ്‌ ഇന്‍സ്‌പെക്‌ടറും സെക്രട്ടറിയും തമ്മില്‍ ചര്‍ച്ചനടത്തി. കോണ്‍ഗ്രസ്‌ നേതാക്കള്‍ ഉന്നയിച്ച മൂന്ന്‌ കാര്യങ്ങളും സെക്രട്ടറി അംഗീകരിച്ചു.
സമരത്തിന്‌ കോണ്‍ഗ്രസ്‌ മണ്ഡലം പ്രസിഡന്റ്‌ എസ്‌. സുരേഷ്‌കുമാര്‍, ജി. സത്യശീലന്‍, ജി. കൃഷ്‌ണപിള്ള, പി.ജെ. നഹാസ്‌, കുളമുട്ടം സലിം, എ.ബി. സലിം, പി. സജീവ്‌, വി. രാധാകൃഷ്‌ണന്‍, ജയ, രേണുക, അമ്പിളി പ്രകാശ്‌, ശിവദാസന്‍, ശശികുമാര്‍, അഷറഫ്‌, തുളസി, മാവിള വിജയന്‍, ഷാനവാസ്‌ തൊട്ടിക്കല്ല്‌, കുളമുട്ടം ഒലീദ്‌, നാസിമുദീന്‍, പെരുംകുളം നാസര്‍, നെഹ്‌മത്ത്‌ തുടങ്ങിയവര്‍ പങ്കെടുത്തു.
from kerala news edited
via IFTTT
