സൗദിയില്‍ ഭീകരാക്രമണം: ഏഴ് മരണം
അക്ബര്‍ പൊന്നാനി
Posted on: 06 Jan 2015
ജിദ്ദ: സൗദി അതിര്‍ത്തി സംരക്ഷണസേനയുടെ പട്രോളിങ്ങ് സംഘത്തിനു നേരെ ഭീകരവാദികള്‍ നടത്തിയ ആക്രമണത്തില്‍ രണ്ടു ഉന്നത സുരക്ഷാ ഉദ്യോഗസ്ഥരും ഒരു സുരക്ഷാഭടനും അക്രമി സംഘത്തിലെ നാല് പേരും കൊല്ലപ്പെട്ടു . സുരക്ഷാ ഉദ്യോഗസ്ഥരില്‍ രണ്ട് പേര്‍ക്ക് പരിക്കേല്‍ക്കുകയും ചെയ്തു. തിങ്കളാഴ്ച പുലര്‍ച്ചെ വടക്കന്‍ അതിര്‍ത്തിയിലെ അര്‍അര്‍ പ്രദേശത്തെ സുവൈഫ് ചെക്ക് പോസ്റ്റിന് സമീപമാണ് അക്രമമുണ്ടായത്.അതിര്‍ത്തിയിലെ പതിവ് പരിശോധനകള്‍ക്കിടെ സുരക്ഷാ സേനാസംഘത്തിനുനേരെ തീവ്രവാദികള്‍ അക്രമണം അഴിച്ചുവിടുകയായിരുന്നു. കനത്തവെടിവെപ്പില്‍ രണ്ട് സുരക്ഷാഭടന്മാരും ഒരു അക്രമിയും മരിച്ചു. ഏറ്റമുട്ടലിനിടെ ദേഹത്ത് ധരിച്ചിരുന്ന സ്‌ഫോടനവസ്തുക്കള്‍ പൊട്ടിത്തെറിച്ചാണ് മറ്റൊരു ഭീകരന്‍ മരിച്ചത്.
സംഭവത്തെക്കുറിച്ച വിശദമായ അന്വേഷണം നടത്തുന്നതായി സുരക്ഷാ വിഭാഗം വാക്താവ് മന്‍സൂര് തുര്‍കി വെളുപ്പെടുത്തി.
from kerala news edited
via IFTTT
