Story Dated: Monday, January 5, 2015 08:01
ബംഗളുരു: അമീര്‍ ഖാന്‍ ചിത്രം പി.കെയെ ശ്രീ ശ്രീ രവിശങ്കര്‍ വിമര്‍ശിച്ചുവെന്ന വാര്‍ത്ത നിഷേധിച്ച്‌ ആര്‍ട്ട്‌ ഓഫ്‌ ലിവിംഗ്‌ ഫൗണ്ടേഷന്‍. മാധ്യമ വാര്‍ത്തകള്‍ തെറ്റിദ്ധാരണ പരത്തുന്നതും മനുഷ്യസ്‌നേഹിയായ ശ്രീ ശ്രീ രവിശങ്കറിനെ അപകീര്‍ത്തിപ്പെടുത്തുന്നതുമാണെന്നും ആര്‍ട്ട്‌ ഓഫ്‌ ലിവിംഗ്‌ ഫൗണ്ടേഷന്‍ ഇന്റര്‍നാഷണല്‍ ഡയറക്‌ടര്‍ സ്വാമി സദ്യോജാതാ പറഞ്ഞു. പി.കെ സിനിമ അദ്ദേഹം കണ്ടിട്ടില്ലെന്നും കാണാത്ത കാര്യത്തെക്കുറിച്ച്‌ അദ്ദേഹം അഭിപ്രായം പറയില്ലെന്നും സ്വാമി സദ്യോജാതാ പറഞ്ഞു.
വിശ്വാസികളുമായുള്ള പ്രതിദിന സംവാദത്തില്‍ ശ്രീ ശ്രീ രവിശങ്കര്‍ പി.കെയെ വിമര്‍ശിച്ചുവെന്നായിരുന്നു വാര്‍ത്ത. എന്നാല്‍ യൂട്യൂബിലും സോഷ്യല്‍ മീഡിയയിലുമായി കഴിഞ്ഞ ദിവസം പ്രചരിച്ച വീഡിയോ ആണ്‌ തെറ്റായ രീതിയില്‍ വാര്‍ത്ത പ്രചരിക്കാന്‍ കാരണമായത്‌. ബോളിവുഡ്‌ സിനിമകളെക്കുറിച്ച്‌ ശ്രീ ശ്രീ രവിശങ്കര്‍ നേരത്തെ നടത്തിയ പരാമര്‍ശങ്ങള്‍ പികെയുമായി ബന്ധപ്പെടുത്തി എഡിറ്റ്‌ ചെയ്‌ത് യൂട്യൂബില്‍ പ്രചരിക്കുന്നുണ്ട്‌. ഇതാണ്‌ തെറ്റായ വാര്‍ത്ത പ്രചരിക്കാനിടയായതെന്ന്‌ ആര്‍ട്ട്‌ ഓഫ്‌ ലിവിംഗ്‌ ഫൗണ്ടേഷന്‍ വ്യക്‌തമാക്കി.
from kerala news edited
via IFTTT
