Story Dated: Monday, January 5, 2015 09:03
ന്യൂഡല്‍ഹി: ജമ്മുകശ്‌മീരില്‍ സഖ്യ ചര്‍ച്ചകളില്‍ പുരോഗതിയുണ്ടെന്ന്‌ ബി.ജെ.പി. ജമ്മു കശ്‌മീരില്‍ സ്‌ഥിരതയുള്ള സര്‍ക്കാര്‍ രൂപീകരിക്കുന്നതിന്‌ പി.ഡി.പി നേതൃത്വം വിട്ടുവീഴ്‌ചയ്‌ക്ക് ആശാവഹമായ നിലപാട്‌ സ്വീകരിക്കുന്നതായും ബി.ജെ.പി നേതൃത്വം അറിയിച്ചു. ബി.ജെ.പിയുടെ സംസ്‌ഥാന നേതൃത്വം ഇന്ന്‌ ദേശീയ നേതൃത്വവുമായി നടത്തിയ കൂടിക്കാഴ്‌ചയ്‌ക്ക് ശേഷമാണ്‌ ബി.ജെ.പി നേതൃത്വം ഇക്കാര്യം വ്യക്‌തമാക്കിയത്‌.
ബി.ജെ.പി ജനറല്‍ സെക്രട്ടറി റാം മാധവാണ്‌ സഖ്യ ചര്‍ച്ചയിലെ പുരോഗതി വെളിപ്പെടുത്തിയത്‌. സംസ്‌ഥാന നേതാക്കളും ബി.ജെ.പി ദേശീയ അധ്യക്ഷന്‍ അമിത്‌ ഷായുമായി ഒന്നര മണിക്കൂര്‍ നീണ്ട കൂടിക്കാഴ്‌ചയില്‍ മുഖ്യമന്ത്രി പദം, ആര്‍ട്ടിക്കിള്‍ 370, കശ്‌മീരിലെ പ്രത്യേക സൈനികാധികാരം എന്നീ വിഷയങ്ങള്‍ ചര്‍ച്ചയായതായാണ്‌ റിപ്പോര്‍ട്ട്‌.
from kerala news edited
via IFTTT
