ഓട്ടോ മറിഞ്ഞ്‌ യുവാക്കള്‍ക്ക്‌ പരുക്ക്‌

Story Dated: Tuesday, January 6, 2015 02:03

ചേലക്കര: കാട്ടുപന്നിയെ ഇടിച്ച്‌ നിയന്ത്രണംവിട്ട ഓട്ടോറിക്ഷ മറിഞ്ഞ്‌ യുവാക്കള്‍ക്ക്‌ പരുക്കേറ്റു. ചേലക്കര നാട്യന്‍ചിറ പാണ്ടിയോട്ടില്‍ രാമന്‍കുട്ടിയുടെ മകന്‍ ജയപ്രകാശി (32) നെയാണ്‌ കാലിനും തലയ്‌ക്കുമേറ്റ പരുക്കുകളോടെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചിട്ടുള്ളത്‌. ഇന്നലെ പുലര്‍ച്ചെ 4.30 നു വടക്കുംകോണത്തായിരുന്നു അപകടം. ഷൊര്‍ണൂര്‍ റെയില്‍വെസ്‌റ്റേഷനിലേക്ക്‌ ഓട്ടംപോയി മടങ്ങുന്നതിനിടെ കാട്ടുപന്നി റോഡിനു കുറുകെ ചാടുകയായിരുന്നു. ഇടിച്ചശേഷം റോഡ്‌സൈഡിലുള്ള പാടത്തേക്ക്‌ ഓട്ടോ നിയന്ത്രണംവിട്ട്‌ മറിഞ്ഞു. വണ്ടിയോടിച്ചിരുന്ന ഇയാളുടെ സഹോദരന്‍ പ്രദീപിന്‍ നിസാര പരുക്കേറ്റതിനെ തുടര്‍ന്ന്‌ ചേലക്കര ഗവ. ആശുപത്രിയില്‍ ചികിത്സതേടി.

from kerala news edited

via IFTTT