Story Dated: Tuesday, January 6, 2015 02:01
കാസര്‍കോട്‌: പ്രമാദമായ സഫിയ(14) വധക്കേസിന്റെ വിചാരണ കാസര്‍കോട്‌ ജില്ലാ സെഷന്‍സ്‌ കോടതിയില്‍ ആരംഭിച്ചു. കര്‍ണാടക കുടക്‌ അയ്യങ്കേരിയിലെ മൊയ്‌തുവിന്റെയും ആയിഷയുടെയും മകളായ സഫിയയെ ഗോവയില്‍ വച്ചു ക്രൂരമായി കൊലപ്പെടുത്തി മൃതദേഹം കഷ്‌ണങ്ങളാക്കിയശേഷം മഡ്‌ഗോവയിലെ കനാലിനു സമീപം കുഴിച്ചിട്ടുവെന്നാണ്‌ കേസ്‌.
പൊവ്വല്‍ മാസ്‌തിക്കുണ്ട്‌ സ്വദേശിയും ഗോവയില്‍ കരാറുകാരനുമായ കെ.സി.ഹംസ, ഇയാളുടെ ഭാര്യ മൈമൂന, ആദൂര്‍ പോലീസ്‌ സ്‌റ്റേഷനില്‍ എ.എസ്‌.ഐ. ആയിരുന്ന ഗോപാലകൃഷ്‌ണന്‍, കുടകിലെ മൊയ്‌തു ഹാജി, സിദ്ദീഖ്‌ എന്നിവരാണ്‌ കേസിലെ പ്രതികള്‍. ഹംസയുടെ മാസ്‌തിക്കുണ്ടിലെ വീട്ടില്‍ ജോലിക്കു നില്‍ക്കുകയായിരുന്ന സഫിയയെ 2008 ല്‍ ദുരൂഹസാഹചര്യത്തില്‍ കാണാതാവുകയായിരുന്നു. തുടര്‍ന്നു നടത്തിയ തിരച്ചിലിനും പ്രക്ഷോഭ പരമ്പരകള്‍ക്കും ഒടുവിലാണ്‌ സഫിയയെ ഗോവയില്‍ കൊന്നു കുഴിച്ചിട്ടതായി കണ്ടെത്തിയത്‌. കേസിലെ മുഖ്യപ്രതിയാണ്‌ ഹംസ.
from kerala news edited
via IFTTT
