Story Dated: Tuesday, January 6, 2015 06:18
തിരുവനന്തപുരം: ശബ്‌ദമലിനീകരണം സംബന്ധിച്ച്‌ സുപ്രീംകോടതി ഉത്തരവ്‌ പ്രകാരവും കേന്ദ്രചട്ടങ്ങളനുസരിച്ചും ജില്ലയില്‍ ഏര്‍പ്പെടുത്തിയിട്ടുളള നിയന്ത്രണങ്ങള്‍ ലംഘിക്കുന്നവര്‍ക്കെതിരെ കര്‍ശനനടപടി സ്വീകരിക്കുമെന്നു ജില്ലാ കലക്‌ടര്‍ ബിജു പ്രഭാകര്‍ അറിയിച്ചു. വ്യവസായമേഖലയില്‍ 75- നും 70 -നും ഇടയിലുളള ആവൃത്തിയിലും, വാണിജ്യമേഖലയില്‍ 55 -നും 45 -നും ഇടയിലും ആശുപത്രി, വിദ്യാലയങ്ങള്‍ എന്നിവയുടെ 100 മീറ്റര്‍ പരിധിക്കുളളിലെ മേഖലയില്‍ 50 -നും 40 -നും ഇടയിലും മാത്രമേ ശബ്‌ദസംവിധാനങ്ങള്‍ പ്രവര്‍ത്തിക്കാന്‍ പാടുളളൂ. രാവിലെ ആറ്‌ മുതല്‍ രാത്രി പത്ത്‌ വരെ ഉച്ചഭാഷിണികള്‍/മൈക്രോഫോണ്‍/മറ്റ്‌ വാദ്യോപകരണങ്ങള്‍ എന്നിവ പ്രവര്‍ത്തിപ്പിക്കുന്നതു നിബന്ധനകള്‍ക്കു വിധേയമായിട്ടാകണം.
രാത്രി പത്തിനുശേഷം വാഹനങ്ങളില്‍ ബോക്‌സ്കെട്ടി ശബ്‌ദമലിനീകരണം സൃഷ്‌ടിക്കുന്നവര്‍ക്കെതിരേ കര്‍ശനനടപടി സ്വീകരിക്കും. പൊതുജനങ്ങള്‍ക്കു ശബ്‌ദമലിനീകരണം സംബന്ധിച്ച പരാതികള്‍ താഴെ പറയുന്ന കണ്‍ട്രോള്‍ റൂം നമ്പരുകളില്‍ വിളിച്ചറിയിക്കാം. കലക്‌ടറേറ്റ്‌: 0471 2730045, 2731188, 9497711281 തിരുവനന്തപുരം താലൂക്ക്‌ ഓഫീസ്‌: 0471 2462006, നെയ്യാറ്റിന്‍കര താലൂക്ക്‌ ഓഫീസ്‌: 0471 2222227, കാട്ടാക്കട താലൂക്ക്‌ ഓഫീസ്‌: 0471 2291414, നെടുമങ്ങാട്‌ താലൂക്ക്‌ ഓഫീസ്‌: 0472 2802424, ചിറയിന്‍കീഴ്‌ താലൂക്ക്‌ ഓഫീസ്‌: 0470 2622406, വര്‍ക്കല താലൂക്ക്‌ ഓഫീസ്‌: 0470 2613222.
from kerala news edited
via IFTTT
