Story Dated: Tuesday, January 6, 2015 02:01
മട്ടന്നൂര്‍: കൂടാളി പഞ്ചായത്തിലെ നാലുപെരിയയില്‍ ആധുനിക സജ്‌ഞീകരണങ്ങളോടെ പൊതുശ്‌മശാനം ഒരുങ്ങി. ഒരേസമയം രണ്ട്‌ മൃതദേഹം ദഹിപ്പിക്കാവുന്ന പരിസര മലിനീകരണം ഇല്ലാത്ത രീതിയിലുള്ള ശ്‌മശാനമാണ്‌ നിര്‍മിച്ചത്‌. പൂന്തോട്ടവും മറ്റ്‌ അനുബന്ധ സൗകര്യങ്ങളോടെയുമാണ്‌ ശ്‌മശാനം നിര്‍മിച്ചിട്ടുള്ളത്‌. പൊതുശ്‌മശാനത്തിലെ കെട്ടിടം ഇ.പി. ജയരാജന്‍ എം.എല്‍.എ. ഉദ്‌ഘാടനം ചെയ്‌തു. പഞ്ചായത്ത്‌പ്രസിഡന്റ്‌ സീന പ്രദീപ്‌ അധ്യക്ഷയായി.
അസി. എന്‍ജിനിയര്‍ കെ.കെ. പ്രകാശന്‍ റിപ്പോര്‍ട്ട്‌ അവതരിപ്പിച്ചു. വൈസ്‌പ്രസിഡന്റ്‌ കെവി. മോഹനന്‍, ബ്ലോക്ക്‌പഞ്ചായത്ത്‌സ്റ്റാന്‍ഡിങ്കമ്മിറ്റി ചെയര്‍മാന്‍ എം. രാഘവന്‍, വി. ഇന്ദിര, സി.പി. മോഹനന്‍, കെ.പി. അച്യുതന്‍, ഇ. സജീവന്‍, കെ. ഗോപാലന്‍, നൗഷാദ്‌ കൂടാളി, കെ.വി. രതീശന്‍, പി.വി. ഉണ്ണികൃഷ്‌ണന്‍ എന്നിവര്‍ സംസാരിച്ചു. പഞ്ചായത്ത്‌ സെക്രട്ടറി എന്‍.യു. ഇബ്രാഹിം സ്വാഗതം പറഞ്ഞു.
from kerala news edited
via IFTTT
