Story Dated: Monday, January 5, 2015 06:11
ചങ്ങനാശേരി : പായിപ്പാട്‌ കൊച്ചുപള്ളി അടവിച്ചിറ ഭാഗത്ത്‌ ആള്‍താമസമില്ലാത്ത വീടുകേന്ദ്രീകരിച്ച്‌ സാമുഹികവിരുദ്ധരുടെ വിളയാട്ടം. യുവാക്കളുടെ സംഗമാണു രാത്രിയില്‍ പ്രദേശത്ത്‌ ഒത്തുകൂടുന്നത്‌. ആരെങ്കിലും പരാതിപ്പെട്ടാല്‍ സംഘംചേര്‍ന്ന്‌ ആക്രമിക്കുകയും പതിവാണ്‌. തൃക്കൊടിത്താനം പോലീസില്‍ ഫോണിലൂടെ പരാതിപ്പെട്ടിട്ടും അനേ്വഷണം നടത്താന്‍പോലും ആരും വന്നില്ലെന്നു നാട്ടുകാര്‍ പറയുന്നു. രേഖാമൂലം പരാതി നല്‍കാന്‍ ആളുകള്‍ക്കു ഭയമാണ്‌.
യുവാക്കളുടെ സംഘത്തില്‍ കൂടുതലും എഞ്ചിനീയറിങ്‌ വിദ്യാര്‍ത്ഥികളാണെന്നു പറയുന്നു. വീട്ടുടമയും കുടുംബവും വീടുപൂട്ടി ഓസ്‌ട്രേലിയയിലാണ്‌. വൈകുന്നേരം ആറുമുതലാണ്‌ ഇവിടെ കാറുകളിലും മറ്റുമായി യുവാക്കള്‍ എത്തിച്ചേരുന്നത്‌. ചിലദിവസങ്ങളില്‍ കാറില്‍ പെണ്‍കുട്ടികളെയും കൊണ്ടുവരാറുെണ്ടന്നാണു സൂചന. ഒരേക്കര്‍ വരുന്ന റബ്ബര്‍ തോട്ടത്തിലെ ആളൊഴിഞ്ഞ വീട്ടില്‍ പുലരുവോളം അനാശാസ്യപ്രവര്‍ത്തനങ്ങളാണു നടക്കുന്നതെന്നു സമീപവാസികള്‍ പറയുന്നു. സന്ധ്യകഴിഞ്ഞാല്‍ സമീപവാസികള്‍ക്കു വീടിനു പുറത്തിറങ്ങാന്‍ ഭയമാണ്‌.
from kerala news edited
via IFTTT
