Story Dated: Tuesday, January 6, 2015 06:18
തിരുവനന്തപുരം: തലസ്‌ഥാനത്തെ യാത്രക്കാരെ റോഡ്‌ സുരക്ഷയുടെ പാഠങ്ങള്‍ ഓര്‍മ്മിപ്പിച്ച്‌ ഏഷ്യന്‍ സ്‌കൂള്‍ ഓഫ്‌ ബിസിനസിലെ വിദ്യാര്‍ത്ഥികള്‍ ശംഖുമുഖം മുതല്‍ പാളയം വരെ ബൈക്ക്‌ റാലി നടത്തി. ഞായറാഴ്‌ച വൈകിട്ട്‌ ശംഖുമുഖം കടപ്പുറത്തുനിന്നാരംഭിച്ച റാലി അസിസ്‌റ്റന്റ്‌ പോലീസ്‌ കമ്മീഷണര്‍ ജവഹര്‍ ജനാര്‍ദ്‌ ഫ്‌ളാഗ്‌ ഓഫ്‌ ചെയ്‌തു.
മദ്യപിച്ചു വാഹനമോടിക്കരുത്‌, വാഹനമോടിക്കുമ്പോള്‍ മൊബൈല്‍ ഫോണ്‍ ഉപയോഗിക്കരുത്‌ തുടങ്ങിയ സന്ദേശങ്ങളും ബൈക്ക്‌ യാത്രയില്‍ ഹെല്‍മറ്റ്‌ മറക്കരുതെന്ന ഉപദേശവുമൊക്കെയായിരുന്നു റാലിയില്‍ വിദ്യാര്‍ത്ഥികള്‍ ഉയത്തിപ്പിടിച്ചിരുന്നത്‌. റാലി സാഫല്യം കോംപ്ലക്‌സില്‍ സമാപിച്ചു.
from kerala news edited
via IFTTT
