Story Dated: Tuesday, January 20, 2015 11:28
ന്യുഡല്‍ഹി: ഡല്‍ഹി നിയമസഭാ തെരഞ്ഞെടുപ്പില്‍ മുഖ്യശത്രു ആം ആദ്മി പാര്‍ട്ടി മുഖ്യമന്ത്രി സ്ഥാനാര്‍ഥി അരവിന്ദ് കെജ്‌രിവാളിനെ നേരിടാന്‍ ബി.ജെ.പി രംഗത്തിറക്കുന്നത് ഡല്‍ഹി യൂണിവേഴ്‌സിറ്റി മുന്‍ വിദ്യാര്‍ത്ഥി യൂണിയന്‍ പ്രസിഡന്റിനെ. നിലവില്‍ ബി.ജെ.പി യുവജന വിഭാഗം അംഗവും അഭിഭാഷകയുമായ നുപുര്‍ ശര്‍മ്മ (30)യായിരുക്കും ന്യുഡല്‍ഹി മണ്ഡലത്തില്‍ കെജ്‌രിവാളിനെ നേരിടുക. ലണ്ടന്‍ സ്‌കൂള്‍ ഓഫ് ഇക്കണോമിക്‌സില്‍ നിന്നുള്ള ബിരുദധാരി കൂടിയാണ് നുപൂര്‍.
ബി.ജെ.പി ഇന്നലെ പുറത്തുവിട്ട 62 പേരുടെ സ്ഥാനാര്‍ഥി പട്ടികയിലാണ് നുപുരിന്റെ പേരും ഉള്‍പ്പെട്ടത്. കിരണ്‍ ബേദിയാണ് പട്ടികയില്‍ ഇടം നേടിയ മറ്റൊരു പ്രമുഖ.
2012ല്‍ പാര്‍ട്ടി രൂപീകരിച്ച കെജ്‌രിവാളിനെ നേരിടാന്‍ ഏഴു വര്‍ഷത്തെ രാഷ്ട്രീയ പരിചയമുള്ള തനിക്കു കഴിയുമെന്ന വിശ്വാസത്തിലാണ് നുപുര്‍. വിജയിക്കാന്‍ വേണ്ടിയുള്ള തെരഞ്ഞെടുപ്പാണിതെന്ന് അവര്‍ പറഞ്ഞു. തന്നെ ആരും ബലിയാടായി കാണേണ്ട. ഒരിക്കല്‍ തെരഞ്ഞെടുപ്പ് വിജയിച്ച കെജ്‌രിവാള്‍ ജനങ്ങളില്‍ നിന്ന് ഓടിയൊളിക്കുകയായിരുന്നു. കെജ്‌രിവാളിനെതിരായ പ്രധാന പ്രചരണ ആയുധവും ഇതായിരിക്കുമെന്ന് അവര്‍ പറഞ്ഞു.
from kerala news edited
via IFTTT
