Story Dated: Monday, January 19, 2015 06:09
തിരുവനന്തപുരം : ബിജു രമേശ്‌ പുറത്തുവിട്ട ഫോണ്‍ സംഭാഷണത്തിലെ ശബ്‌ദം തന്റേത്‌ തന്നെയെന്ന്‌ സര്‍ക്കാര്‍ ചീഫ്‌വിപ്പ്‌ പി.സി ജോര്‍ജ്‌. താന്‍ അങ്ങോട്ടല്ല, ബിജു രമേശ്‌ ഇങ്ങോട്ടാണ്‌ വിളിച്ചതെന്നും കെ.എം മാണിയെ രക്ഷപെടുത്താന്‍ വേണ്ടി മാത്രമാണ്‌ താന്‍ ബിജുവിനോട്‌ സംസാരിച്ചതെന്നുമാണ്‌ ജോര്‍ജിന്റെ വിശദീകരണം.
ബിജു രമേശ്‌ പുറത്തുവിട്ട ഫോണ്‍ സംഭാഷണത്തില്‍ 'നമുക്ക്‌ ഒന്നു നേരില്‍ കാണണ'മെന്ന്‌ പി.സി ജോര്‍ജ്‌ ആവശ്യപ്പെട്ടതായി വ്യക്‌തമാക്കുന്നുണ്ട്‌. 'മാണി സാറിനെ രക്ഷിക്കാന്‍ താന്‍ വല്ലതും പറഞ്ഞു കാണുമെന്നും അതിലൊന്നും കാര്യമില്ലെ'ന്നും പിസി ജോര്‍ജ്‌ പറയുന്നതും ഫോണ്‍ സംഭാഷണത്തില്‍ വ്യക്‌തമാണ്‌. 'താന്‍ പറഞ്ഞതെല്ലാം സത്യമാണെന്ന്‌ അറിയാമല്ലോ' എന്ന ബിജു രമേശിന്റെ ചോദ്യത്തിന്‌ പൊട്ടിച്ചിരിക്കുക മാത്രമാണ്‌ പിസി ജോര്‍ജ്‌ ചെയ്‌തിരിക്കുന്നത്‌.
കോഴ ആരോപണത്തില്‍ ബിജു രമേശ്‌ പരസ്‌പര വിരുദ്ധമായ കാര്യങ്ങള്‍ പറയുന്നു എന്ന്‌ ധനമന്ത്രി കെഎം മാണി പറഞ്ഞതിന്‌ പിന്നാലെയാണ്‌ കൂടുതല്‍ തെളിവുകള്‍ പുറത്ത്‌ വന്നിരിക്കുന്നത്‌. നവംബര്‍ ഒന്നിനും രണ്ടിനും സംസാരിച്ചതിന്റെ രേഖകളാണ്‌ പുറത്തുവിട്ടിരിക്കുന്നത്‌.
from kerala news edited
via IFTTT
