Story Dated: Thursday, March 26, 2015 02:15
ചങ്ങനാശ്ശേരി: 90 വര്‍ഷം പഴക്കമുള്ള ചങ്ങനാശേരി മജിസ്‌ട്രേറ്റ്‌ കോടതി വിസ്‌മൃതിയിലേക്ക്‌. 90 വര്‍ഷം മുമ്പ്‌ കാവില്‍ക്ഷേത്രത്തിനു സമീപം പൊതുമരാമത്ത്‌ ഓഫീസ്‌ കെട്ടിടത്തിലായിരുന്നു ആദ്യത്തെ കോടതി പ്രവര്‍ത്തിച്ചിരുന്നത്‌. പിന്നീട്‌ താലൂക്ക്‌ കച്ചേരിയിലേക്ക്‌ മാറുകയായിരുന്നു. ഇപ്പോള്‍ റവന്യൂടവര്‍ നില്‍ക്കുന്നിടത്തായിരുന്നു താലൂക്ക്‌ ഓഫീസ്‌.
റവന്യൂ ടവറിന്റെ നിര്‍മാണത്തിനുവേണ്ടി കോടതി നില്‍ക്കുന്ന സ്‌ഥലവുംകൂടി ഏറ്റെടുത്തതോടെ പിന്നീട്‌ വിദ്യാഭ്യാസ വകുപ്പിന്റെ കീഴിലായിരുന്ന എല്‍.പി.സ്‌കൂള്‍ കോടതിയ്‌ക്കായി കൈമാറുകയും അവിടെ കോടതി ആരംഭിക്കുകയുമായിരുന്നു. ഇവിടെയാണ്‌ ഇപ്പോള്‍ കോടതി പ്രവര്‍ത്തിച്ചുവരുന്നത്‌. 72 സെന്റ്‌ സ്‌ഥലത്ത്‌ നില്‍ക്കുന്ന ഈ കെട്ടിടം ഏപ്രില്‍ പത്തോടുകൂടി പൊളിക്കും. ആയിരക്കണക്കിന്‌ നീതിന്യായ വ്യവഹാരങ്ങള്‍ക്ക്‌ സാക്ഷ്യമേകിയ ചങ്ങനാശേരി ഫസ്‌റ്റ്‌ ക്ലാസ്‌ മജിസ്‌ട്രേറ്റ്‌ കോടതി കെട്ടിടം വിസ്‌മൃതിയിലേക്ക്‌.
from kerala news edited
via IFTTT
