Story Dated: Thursday, March 26, 2015 05:19
വെല്ലൂര്‍: ലോകകപ്പ്‌ ക്രിക്കറ്റിന്റെ സെമിയില്‍ ഇന്ത്യയുടെ വിജയത്തിനായി യുവാവ്‌ നാക്ക്‌ മുറിച്ചു. തമിഴ്‌നാട്ടിലെ വെല്ലൂര്‍ ജില്ലയിലാണ്‌ സംഭവം. സുധാകര്‍ എന്ന യുവാവാണ്‌ ഇന്ത്യയുടെ വിജയത്തിനായി പ്രാര്‍ത്ഥിച്ച്‌ നാക്ക്‌ മുറിച്ചത്‌. ആദ്യം ബാറ്റ്‌ ചെയ്‌ത ഓസ്‌ട്രേലിയ 328 റണ്‍സ്‌ എന്ന റണ്‍സ്‌ സ്‌കോര്‍ ചെയ്‌തതോടെയാണ്‌ ഇയാള്‍ നാക്ക്‌ മുറിച്ച്‌ ദൈവങ്ങള്‍ക്ക്‌ അര്‍പ്പിച്ചത്‌. വീട്ടില്‍ ടെലിവിഷനില്‍ കളി കണ്ടുകൊണ്ടിരിക്കെയാണ്‌ ഇയാള്‍ നാക്ക്‌ മുറിച്ചതെന്ന്‌ ജോലാര്‍പേട്ട്‌ പോലീസ്‌ അറിയിച്ചു.
നാക്ക്‌ മുറിച്ചതിനെ തുടര്‍ന്ന്‌ യുവാവിന്റെ കരച്ചില്‍ കേട്ട്‌ എത്തിയ ബന്ധുക്കളും അയല്‍വാസികളും ചേര്‍ന്നാണ്‌ ഇയാളെ ആശുപത്രിയില്‍ എത്തിച്ചത്‌. അദുക്കാംപുരൈ സര്‍ക്കാര്‍ ജനറല്‍ ആശുപത്രിയിലാണ്‌ ഇയാളെ പ്രവേശിപ്പിച്ചിരിക്കുന്നത്‌. പരാതിയില്ലാത്തതിനാല്‍ കേസെടുത്തിട്ടില്ലെന്ന്‌ പോലീസ്‌ അറിയിച്ചു.
from kerala news edited
via IFTTT
