Story Dated: Thursday, March 26, 2015 02:15
തുറവൂര്‍: പലിശയ്‌ക്ക്‌ കൊടുത്ത പണം തിരികെ നല്‍കിയില്ലെന്നാരോപിച്ച്‌ മൂന്നംഗസംഘം പട്ടാപ്പകല്‍ വീടുകയറി ആക്രമിച്ചു; നാലുപേര്‍ക്കു പരുക്ക്‌. തുറവൂര്‍ പഞ്ചായത്ത്‌ 16-ാം വാര്‍ഡില്‍ തരിശുനികര്‍ത്തില്‍ കാര്‍ത്തികേയന്‍ (55), ഭാര്യ: സുജയ (48), മകന്‍ ബിന്‍ഷാദ്‌ (26), മരുമകള്‍ അനില എന്നിവര്‍ക്കാണ്‌ പരുക്കേറ്റത്‌. ഇന്നലെ ഉച്ചയ്‌ക്ക്‌ ഒന്നോടെ പടിഞ്ഞാറെ മനക്കോടത്തായിരുന്നു സംഭവം.
കാര്‍ത്തിയേകന്റെ മകന്‍ ബിന്‍ഷാദ്‌ സാദിഖ്‌ എന്നയാളില്‍നിന്ന്‌ പണം പലിശയ്‌ക്ക്‌ വാങ്ങിയിരുന്നു. ഇതേച്ചൊല്ലി ഇരുവരും തമ്മിലുണ്ടായ തര്‍ക്കമാണ്‌ സംഘര്‍ഷത്തില്‍ കലാശിച്ചത്‌. തുടര്‍ന്ന്‌ ഇവരുടെ വീട്ടിലെത്തിയ മൂന്നംഗസംഘമാണ്‌ ആക്രമണം നടത്തിയത്‌. കുത്തിയതോട്‌ പോലീസില്‍ പരാതി നല്‍കി.
from kerala news edited
via IFTTT
