Story Dated: Thursday, March 26, 2015 04:23
പനജി: രാജ്യത്ത്‌ ക്രൈസ്‌തവര്‍ക്ക്‌ എതിരെയുള്ള അതിക്രമങ്ങള്‍ വര്‍ധിച്ചുവരുന്ന സാഹചര്യത്തില്‍ വിവാദ വെളിപ്പെടുത്തലുമായി ഗോവ എം.എല്‍.എയും വികാസ്‌ പാര്‍ട്ടി നേതാവുമായ കയ്‌റ്റു സില്‍വ രംഗത്ത്‌. സംസ്‌ഥാനത്ത്‌ ചില സര്‍ക്കാര്‍ ഉദ്യോഗസ്‌ഥര്‍ ക്രൈസ്‌തവരെ പന്നിയെ തിന്നുന്നവരെന്നു വിളിച്ച്‌ അപമാനിക്കുന്നതായാണ്‌ സില്‍വ വെളിപ്പെടുത്തിയത്‌.
സംസ്‌ഥാനത്തിന്റെ വടക്ക്‌ പ്രദേശത്താണ്‌ ഉദ്യോഗസ്‌ഥരില്‍ ഇത്തരം പ്രവണത കൂടുതലായി കണ്ടുവരുന്നത്‌. ഗോവയിലെ ജനസംഖ്യയില്‍ 26 ശതമാനം ക്രൈസ്‌തവരാണ്‌. അതായത്‌ ഗോവയുടെ ആകെ ജനസംഖ്യയില്‍ 1.5 ദശലക്ഷം പേര്‍ ക്രൈസ്‌തവരാണ്‌. ഗോവയിലെ ക്രൈസ്‌തവര്‍ പന്നിയിറച്ചി കഴിക്കുമെന്ന്‌ എല്ലാവര്‍ക്കുമറിയാം. അതിന്റെ പേരില്‍ ഉദ്യേഗസ്‌ഥ നിലവാരത്തിലുളള ആളുകള്‍ ഇത്തരത്തിലുളള വിവാദ പ്രസ്‌താവനകള്‍ നടത്താന്‍ പാടില്ലാത്തതായിരുന്നുവെന്നും സില്‍വ പറഞ്ഞു. അപമാനിച്ച ഉദ്യേഗസ്‌ഥരുടെ പേരുവിവരങ്ങള്‍ തനിക്കറിയാമെന്നു പറഞ്ഞ സില്‍വ പക്ഷേ ഉദ്യോഗസ്‌ഥരുടെ കൂടുതല്‍ വിവരങ്ങള്‍ വെളിപ്പെടുത്താന്‍ തയ്യാറായില്ല. 72 കാരിയായ കന്യസ്‌ത്രിയെ കുട്ടമാനഭംഗത്തിന്‌ ഇരയാക്കിയ കേസില്‍ രണ്ടാഴ്‌ച്ച കഴിഞ്ഞിട്ടും പോലീസിന്‌ ഒരു പ്രതിയേ മാത്രമാണ്‌ അറസ്‌റ്റു ചെയ്യാന്‍ കഴിഞ്ഞതെന്നും അദ്ദേഹം ആരോപിച്ചു.
from kerala news edited
via IFTTT
