Story Dated: Thursday, March 26, 2015 07:49
കല്‍പ്പറ്റ: ഫുട്‌ബോള്‍ റഫറിയും കോച്ചുമായ യുവാവ്‌ കളിക്കുശേഷം കുഴഞ്ഞുവീണു മരിച്ചു. മുട്ടില്‍ ആനപ്പാറവയല്‍ പ്രവീണ്‍ നിവാസില്‍ എം.എസ്‌. പ്രവീണ്‍കുമാറാ(46)ണ്‌ മരിച്ചത്‌. കല്‍പ്പറ്റ പത്മ പെട്രോള്‍ പമ്പിലെ ജീവനക്കാരനായിരുന്നു. ബുധനാഴ്‌ച വൈകീട്ട്‌ 6.30ന്‌ പിണങ്ങോട്‌ മൈതാനത്ത്‌ ഫുട്‌ബോള്‍ കളി കഴിഞ്ഞ്‌ മടങ്ങുമ്പോഴാണ്‌ സംഭവം. എതിര്‍ ടീമിലെ അംഗത്തെ പരിചയപ്പെടുന്നതിനിടയില്‍ കുഴഞ്ഞുവീഴുകയായിരുന്നു. ഉടനെ കല്‍പ്പറ്റയിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. കല്‍പ്പറ്റ നഗരസഭ കിഡ്‌സ് ഫുട്‌ബോള്‍ ട്രെയിനിങ്‌ സെന്ററിലെ കോച്ചാണ്‌. വയനാട്‌ ഫാല്‍ക്കണ്‍സ്‌, ഡബ്ല്യു.എം.ഒ. കോളേജ്‌ മുട്ടില്‍, ആര്‍.എസ്‌.സി. മുട്ടില്‍ എന്നീ ടീമുകളിലെ കളിക്കാരനായിരുന്നു. ഭാര്യ: സ്വപ്‌ന. മകന്‍: ശ്രാവണ്‍. അച്‌ഛന്‍: പരേതനായ ശ്രീധരന്‍. അമ്മ: പ്രേമലത. സഹോദരങ്ങള്‍: പ്രമോദ്‌കുമാര്‍ (ഹോംഗാര്‍ഡ്‌, കല്‍പ്പറ്റ), പ്രസാദ്‌ (അധ്യാപകന്‍, മലബാര്‍ കോളേജ്‌, കല്‍പ്പറ്റ), പ്രസ്‌നേഹ.
from kerala news edited
via IFTTT
