Story Dated: Thursday, March 26, 2015 02:16
മണ്ണാര്‍ക്കാട്‌: മണ്ണാര്‍ക്കാട്‌ കുന്തിപ്പുഴയിലെ മാവേലി ഗോഡൗണില്‍ നിന്നു കരിച്ചന്തയിലേക്ക്‌ അരി കടത്തിയതുമായി ബന്ധപ്പെട്ട കേസില്‍ ഒരാള്‍ കൂടി അറസ്‌റ്റിലായി. കയറ്റിറക്ക്‌ തൊഴിലാളിയായ കോട്ടോപ്പാടം വേങ്ങയിലെ കണ്ണീരി വീട്ടില്‍ സെയ്‌തലവി(53)യെയാണ്‌ മണ്ണാര്‍ക്കാട്‌ പോലീസ്‌ ഇന്നലെ അറസ്‌റ്റ് ചെയ്‌തത്‌.
ഇതോടെ അരി കടത്തിയ സംഭവവുമായി ബന്ധപ്പെട്ട്‌ പിടിയിലായവരുടെ എണ്ണം രണ്ടായി. അതേസമയം, സംഭവത്തിലെ മുഖ്യപ്രതി ഗോഡൗണ്‍ മാനേജര്‍ അബ്‌ദുള്‍ മജീദ്‌ ഒളിവിലാണ്‌. സംഭവവുമായി ബന്ധപ്പെട്ട്‌ സിവില്‍ സപ്ലൈസ്‌ അധികൃതര്‍ നടത്തിയ അന്വേഷണ റിപ്പോര്‍ട്ട്‌ പോലീസിന്‌ കൈമാറി. സംഭവത്തിനു പിന്നില്‍ കൂടുതല്‍ പേരുണ്ടെന്നാണ്‌ പോലീസ്‌ നല്‍കുന്ന സൂചന. ഉന്നത ഉദ്യോഗസ്‌ഥര്‍ക്ക്‌ സംഭവത്തില്‍ ബന്ധമുണ്ടോയെന്ന്‌ അന്വേഷിക്കുമെന്നും പോലീസ്‌ പറഞ്ഞു.
from kerala news edited
via IFTTT
