Story Dated: Tuesday, March 31, 2015 03:56
വടകര : കുടിവെള്ള ക്ഷാമം കൊണ്ട്‌ പൊറുതി മുട്ടിയ മംഗലാട്‌ കുയ്യടിപ്പാറ നിവാസികളുടെ ബുദ്ധിമുട്ട്‌ ചൂണ്ടിക്കാട്ടി നിവേദനവുമായി വിദ്യാര്‍ഥികള്‍ മുഖ്യമന്ത്രിയുടെ ജനസമ്പര്‍ക്ക പരിപാടിയിലേക്ക്‌. വള്യാട്‌ ഈസ്‌റ്റ് എല്‍.പി സ്‌കൂളില്‍ രണ്ട്‌, മൂന്ന്‌, നാല്‌ ക്ലാസുകളില്‍ പഠിക്കുന്നവരാണ്‌ നിവേദനം നല്‍കുന്നത്‌.
പത്ത്‌ വര്‍ഷം മുമ്പ്‌ മംഗലാട്‌ കുയ്യടിപ്പാറ കുടിവെള്ള പദ്ധതിക്ക്‌ തുടക്കം കുറിച്ചെങ്കിലും ഇതുവരെയും പദ്ധതി പ്രവൃത്തിപഥത്തില്‍ എത്തിയിട്ടില്ലെന്ന്‌ കുട്ടികള്‍ നിവേദനത്തില്‍ ചൂണ്ടിക്കാട്ടി. ഓരോ വര്‍ഷവും ബന്ധപ്പെട്ടവര്‍ വാഗ്‌ദാനങ്ങള്‍ നല്‍കിയെങ്കിലും പദ്ധതി പൂര്‍ത്തീകരണമെന്നത്‌ നാട്ടുകാരുടെ സ്വപ്‌നമായി അവേശിഷിക്കുകയാണ്‌.
്ര
ആയഞ്ചേരി പഞ്ചായത്തിലെ വടക്കയില്‍ മുക്കില്‍ സ്‌ഥാപിച്ച പൈപ്പ്‌ ലൈന്‍ നീട്ടിയാല്‍ അടുവാട്ടില്‍ മുക്ക്‌, പൂവുള്ളതില്‍ മുക്ക്‌ എന്നിവിടങ്ങളിലെയും കുടിവെള്ള പ്രശ്‌നം പരിഹരിക്കാന്‍ കഴിയുമെന്ന്‌ വിദ്യാര്‍ഥികള്‍ നിവേദനത്തില്‍ ചൂണ്ടിക്കാട്ടി.
from kerala news edited
via IFTTT
