Story Dated: Tuesday, March 31, 2015 03:56
വടക്കാഞ്ചേരി: തെക്കുംകര പഞ്ചായത്തിലെ ഊരോക്കാട്‌ മേഖലയില്‍ സ്വകാര്യവ്യക്‌തിയുടെ വീട്ടുപറമ്പില്‍ പുള്ളിമാനെ ചത്തനിലയിലും മറ്റൊരു പറമ്പിലെ കിണറ്റില്‍ കാട്ടുപന്നികള്‍ വീണ നിലയിലും കണ്ടെത്തി. ഊരോക്കാട്‌ പാലിശേരി വത്സല ദേവദാസിന്റെ പറമ്പിലാണ്‌ പുള്ളിമാനെ ചത്തനിലയില്‍ കണ്ടെത്തിയത്‌. അമ്പലപ്പാട്‌ കറുകയില്‍ താഴത്ത്‌ നാരായണന്റെ വീട്ടുകിണറ്റിലാണ്‌ കാട്ടുപന്നികളെ കണ്ടെത്തിയത്‌. കിണറ്റില്‍ വീണ പന്നികളെ വനപാലകര്‍ എത്തി കരയ്‌ക്കുകയറ്റി വനത്തില്‍ വിട്ടയച്ചു. ചത്ത മാനിനെ ഓട്ടുപാറ ഗവ. മൃഗാശുപത്രിയില്‍ പോസ്‌റ്റുമോര്‍ട്ടംചെയ്‌ത് വനത്തില്‍ സംസ്‌കരിച്ചു. കഴിഞ്ഞ ദിവസം മച്ചാട്‌ വനമേഖലയില്‍ കാട്ടുതീ പടര്‍ന്നുപിടിച്ചിരുന്നു. തീയില്‍നിന്നു രക്ഷപ്പെടാന്‍ ഓടിയ വന്യമൃഗങ്ങളാണ്‌ കിണറ്റില്‍ വീണ നിലയിലും ചത്തനിലയിലും കണ്ടെത്തിയതെന്ന്‌ സംശയിക്കുന്നു.
from kerala news edited
via IFTTT
