Story Dated: Thursday, March 19, 2015 02:05
കോഴിക്കോട്‌: മോഷ്‌ടിച്ച മൊബൈലുകളുമായി അന്യസംസ്‌ഥാന തൊഴിലാളി അറസ്‌റ്റില്‍. ഉത്തര്‍പ്രദേശ്‌ പഗാഡി ബിസില്‍പൂര്‍ സ്വദേശി ഇംതിയാസ്‌ അലി(30) യാണ്‌ കസബ പോലീസിന്റെ പിടിയിലായത്‌. ഇന്നലെ പുലര്‍ച്ചെ 1.30ഓടെ നൈറ്റ്‌ പട്രോളിംഗ്‌ നടത്തുന്ന പോലീസ്‌ മൊഫ്യൂസല്‍ സ്‌റ്റാന്‍ഡ്‌ പരിസരത്ത്‌ വച്ചാണ്‌ ഇയാളെ പിടികൂടിയത്‌. രാത്രി സംശയാസ്‌പദമായ സാഹചര്യത്തില്‍ അലഞ്ഞു തിരഞ്ഞു നടക്കുകയായിരുന്ന പ്രതിയെ പിടികൂടി പരിശോധിച്ചപ്പോഴാണ്‌ മൊബൈലുകള്‍ കണ്ടെത്തിയത്‌. ഇയാളെ കോടതിയില്‍ ഹാജരാക്കി റിമാന്‍ഡ്‌ ചെയ്‌തു.
from kerala news edited
via IFTTT
