Story Dated: Thursday, March 19, 2015 08:19
ന്യുഡല്‍ഹി: തന്നെ ഹോട്ടല്‍ ജീവനക്കാരന്‍ പീഡിപ്പിച്ചുവെന്ന്‌ ബോളിവുഡ്‌ നടി. മുംബൈയില്‍ നിന്നുള്ള നടിയും മോഡലുമായ യുവതിയാണ്‌ ആരോപണം ഉന്നയിച്ച്‌ രംഗത്ത്‌ വന്നിരിക്കുന്നത്‌. ദക്ഷിണ ഡല്‍ഹിയിലെ ഒരു ഹോട്ടലില്‍ താമസിക്കവെ ഹൗസ്‌ കീപ്പിംഗ്‌ ജീവനക്കാരന്‍ പീഡിപ്പിച്ചുവെന്നാണ്‌ നടിയുടെ പരാതി. എന്നാല്‍ അന്വേഷണവുമായി സഹകരിക്കാന്‍ യുവതി തയ്യാറാകാത്തത്‌ പോലീസിനെ കുഴയ്‌ക്കുന്നു.
തന്നെ പീഡിപ്പിച്ചുവെന്ന പരാതിയില്‍ നടി ഉറച്ചുനില്‍ക്കുകയാണ്‌. എന്നാല്‍ പരാതി പ്രകാരം പോലീസിന്‌ മൊഴി നല്‍കാനോ, വൈദ്യപരിശോധനയ്‌ക്ക് വിധേയയാകാനോ യുവതി തയ്യാറാകുന്നില്ല. ഇതേതുടര്‍ന്ന്‌ കേസില്‍ എഫ്‌.ഐ.ആര്‍ എടുക്കാനാകാതെ പോലീസ്‌ വെട്ടിലായിരിക്കുകയാണ്‌. വെള്ളിയാഴ്‌ച മുതല്‍ താന്‍ താമസിച്ചിരുന്ന ഹോട്ടലിലെ ഹൗസ്‌ കീപ്പിംഗ്‌ ജീവനക്കാര്‍ക്കെതിരെ ഞായറാഴ്‌ചയാണ്‌ നടി ലൈംഗിക പീഡന ആരോപണം ഉന്നയിച്ചത്‌.
ഹോട്ടല്‍ ജീവനക്കാര്‍ തന്റെ പണം മോഷ്‌ടിച്ചുവെന്ന്‌ ആരോപിച്ചാണ്‌ നടി പോലീസിനെ വിളിച്ചു വരുത്തിയത്‌. പോലീസ്‌ എത്തിയപ്പോള്‍ യുവതി ലൈംഗികാരോപണം ഉന്നയിച്ചു. എന്നാല്‍ പോലീസ്‌ നിരന്തരം ആവശ്യപ്പെട്ടിട്ടും യുവതി മൊഴി നല്‍കാനും വൈദ്യപരിശോധനയ്‌ക്ക് വിധേയയാകാനും തയ്യാറായില്ല.
from kerala news edited
via IFTTT
