Story Dated: Monday, March 23, 2015 01:55
ചങ്ങനാശേരി : എം.സി. റോഡില്‍ എസ്‌.ബി കോളജിനു സമീപം പ്രവര്‍ത്തിക്കുന്ന സിബി ഫ്‌ളവര്‍ സ്‌റ്റോര്‍ എന്ന വ്യാപാരസ്‌ഥാപനത്തിന്റെ ഉടമ സിബി ജോസഫിനെ ബില്‍ഡിംഗ്‌ ഉടമയും മക്കളും ചേര്‍ന്നു മര്‍ദിച്ചു. സംഭവത്തില്‍ കുറ്റവാളികളെ പിടികൂടണമെന്നാവശ്യപ്പെട്ടും ആക്രമണത്തില്‍ പ്രതിഷേധിച്ചും വ്യാപാരഭവനില്‍നിന്നും ആരംഭിച്ച പ്രകടനത്തില്‍ നൂറുകണക്കിനു വ്യാപാരികള്‍ പങ്കെടുത്തു. എസ്‌.ബി. കോളേജിനു സമീപം ചേര്‍ന്ന പ്രതിഷേധ യോഗത്തില്‍ മര്‍ച്ചന്റ്‌സ്‌ അസോസിയേഷന്‍ പ്രസിഡന്റ്‌ ജോണ്‍സണ്‍ ജോസഫ്‌ അധ്യക്ഷത വഹിച്ചു.
വ്യാപാരി വ്യവസായി ഏകോപനസമിതി സംസ്‌ഥാന കൗണ്‍സിലര്‍ സാംസണ്‍ എം. വലിയപറമ്പില്‍ ഉദ്‌ഘാടനം ചെയ്‌തു. സണ്ണി നെടിയകാലാപറമ്പില്‍, സതീഷ്‌ വലിയവീടന്‍, എം.അബ്‌ദുല്‍ നാസര്‍, തോമസ്‌ ആന്റണി, നിരീഷ്‌ തോമസ്‌ എന്നിവര്‍ പ്രസംഗിച്ചു.
from kerala news edited
via IFTTT
