Story Dated: Monday, March 16, 2015 01:55
ന്യൂഡല്‍ഹി: വനിതകള്‍ക്കെതിരേയുള്ള ആക്രമണം നിരന്തര സംഭവമായി മാറിയതോടെ കേരളത്തിലെ ഷീ ടാക്‌സി സംവിധാനം പോലെ വനിതകള്‍ക്കുള്ള പ്രത്യേക ടാക്‌സി സംവിധാനം ഡല്‍ഹിയിലേക്കും വരുന്നു. 'ശക്‌തി' എന്ന പേരില്‍ പ്രത്യേക ക്യാബ്‌ സര്‍വീസ്‌ അവതരിപ്പിക്കാന്‍ പദ്ധതിയിട്ടിട്ടുള്ളത്‌ ന്യൂഡല്‍ഹി മുനിസിപ്പല്‍ കൗണ്‍സിലാണ്‌.
സ്‌ത്രീകള്‍ക്ക്‌ വേണ്ടി സ്‌ത്രീകള്‍ തന്നെ ഓടിക്കുന്ന 20 ടാക്‌സികള്‍ വനിതാദിനമായ മാര്‍ച്ച്‌ 8 ന്‌ നടപ്പിലാക്കാനായിരുന്നു ഉദ്ദേശിച്ചിരുന്നതെങ്കിലും പദ്ധതിക്ക്‌ പൂര്‍ത്തീകരണം കൊണ്ടുവരുന്നതിനായി അല്‍പ്പം കൂടി നീട്ടിവെച്ചു. ഈ പദ്ധതി നടപ്പാക്കാന്‍ ഗതാഗത വകുപ്പിനെ സമീപിച്ചിരുന്നതായും പദ്ധതി അവതരിപ്പിക്കാന്‍ 100 ടാക്‌സികള്‍ എങ്കിലും വേണമെന്നും നിലവിലുള്ള ഫണ്ട്‌ മതിയാകില്ലെന്നും എന്‍ഡിഎംസി ചെയര്‍മാന്‍ ജലാല്‍ ശ്രീവാത്സവ പറഞ്ഞു.
എന്നിരുന്നാലും പദ്ധതി അടുത്ത മാസത്തേക്ക്‌ അവതരിപ്പിക്കാനാണ്‌ ഉദ്ദേശം. ഇതിനായി മാരുതി സുസുക്കിയുമായി കൈകോര്‍ക്കാനാണ്‌ കൗണ്‍സിലിന്റെ പദ്ധതി. എന്‍ഡിഎംസി നടത്തുന്ന സാങ്കേതിക സ്‌ഥാപനത്തില്‍ നിന്നുമായിരിക്കും ഡ്രൈവര്‍മാരെ കണ്ടെത്തുക. സ്‌കൂള്‍ ബസുകള്‍ ഓടിക്കാന്‍ വനിതാ ഡ്രൈവര്‍മാരെ റിക്രൂട്ട്‌ ചെയ്യാനുള്ള ഒരു നീക്കവും എന്‍ഡിഎംസി തീരുമാനം എടുത്തിട്ടുണ്ട്‌.
from kerala news edited
via IFTTT
