Story Dated: Monday, March 16, 2015 01:05
പങ്ങട: പങ്ങട ഗവ. എല്‍.പി സ്‌കൂളിനു പറയാനുള്ളത്‌ ഒരുമയുടെയും കഠിനാധ്വാനത്തിന്റെയും വിജയഗാഥയാണ്‌. അധ്യാപകരും രക്ഷാകര്‍ത്താക്കളും വിദ്യാര്‍ഥികളും ഒന്നിച്ചു നടത്തുന്ന പ്രയത്‌നം ഈ സ്‌കൂളിന്‌ സമ്മാനിച്ചത്‌ ജില്ലയിലെ മികച്ച പി.ടി.എയ്‌ക്കുള്ള 2013- 14 വര്‍ഷത്തെ വിദ്യാഭ്യാസ വകുപ്പിന്റെ പുരസ്‌കാരമാണ്‌.
സ്‌കൂളിന്റെ നട്ടെല്ലായ രക്ഷിതാക്കള്‍ സ്‌കൂളിലെ നിത്യ സന്ദര്‍ശകരും എല്ലാ പ്രവര്‍ത്തനങ്ങള്‍ക്കും കൈത്താങ്ങുമാണെന്ന്‌ സ്‌കൂളിലെ പ്രധാനാധ്യാപിക എം. അജിതകുമാരി പറഞ്ഞു. പ്ലാസ്‌റ്റിക്‌മുക്‌ത അന്തരീക്ഷം, വിഷമുക്‌തമായ പച്ചക്കറിത്തോട്ടം എന്നിവ ഈ സ്‌കൂളിന്റെ പ്രത്യേകതകളാണ്‌. കൂടാതെ രക്ഷിതാക്കള്‍ക്ക്‌ വരുമാന മാര്‍ഗമായി സ്വയംതൊഴില്‍, രക്ഷിതാക്കളുടെ സഹകരണത്തോടെയുള്ള സാന്ത്വനപ്പെട്ടി എന്നിവയെല്ലാം സ്‌കൂളിന്റെ നേട്ടമാണ്‌.
വായനയുടെ പ്രാധാന്യം ബോധ്യപ്പെടുത്തി വിദ്യാര്‍ഥികളെ അറിവിന്റെ ലോകത്തെത്തിക്കാനും പങ്ങട സ്‌കൂളിലെ അധ്യാപകര്‍ക്ക്‌ കഴിയുന്നു. രക്ഷിതാക്കള്‍ക്കായി അമ്മവായന എന്ന പരിപാടിയും ഇവിടെ സംഘടിപ്പിക്കുന്നു. മലയാളം, ഇംഗ്ലീഷ്‌, ഹിന്ദി ഭാഷകളില്‍ ഓരോ ക്ലാസുകാര്‍ നേതൃത്വം നല്‍കുന്ന അസംബ്ലി തിങ്കള്‍, വ്യാഴം ദിവസങ്ങളില്‍ നടത്തിവരുന്നു. അസംബ്ലിയുടെ ഭാഗമായ കൈയൊഴുത്ത്‌ പതിപ്പുകള്‍ വിജ്‌ഞാനത്തിന്റെ പ്രതീകങ്ങളാണ്‌.
3.30 മുതല്‍ നാലു വരെ പൊതുവിജ്‌ഞാന ക്ലാസുകളും സ്‌കൂളിന്റെ പ്രത്യേകതകളിലൊന്നാണ്‌.
പഠനത്തില്‍ പിന്നാക്കം നില്‍ക്കുന്ന വിദ്യാര്‍ഥികള്‍ക്കായി അക്ഷര ക്ലാസുകളും ഇവിടെ നടത്തപ്പെടുന്നു. ഈ സ്‌കൂളിനു സമീപത്തുള്ള പങ്ങട എസ്.എച്ച്‌. സ്‌കൂളിന്റെ സഹകരണത്തോടെ വിദ്യാര്‍ഥികള്‍ക്കായി വാഹനസൗകര്യവും ഒരുക്കിയിട്ടുണ്ട്‌.
from kerala news edited
via IFTTT
