Story Dated: Wednesday, December 31, 2014 08:11
കെയ്‌റോ: അഞ്ച്‌ ദിവസമായി നടത്തുന്ന മിലിട്ടറി ഓപ്പറേഷനിലൂടെ ഈജിപ്‌തില്‍ 13 തീവ്രവാദികളെ സൈന്യം വധിച്ചു. 388 പേര്‍ പിടിയിലായി. തീവ്രവാദികളുടെതെന്ന്‌ കരുതുന്ന 110 വാസ സ്‌ഥലങ്ങളും 16 ടണലുകളും സൈന്യം തകര്‍ത്തു.
മുന്‍ പ്രസിഡന്റ്‌ മുഹമ്മദ്‌ മോര്‍സിക്ക്‌ കഴിഞ്ഞ വര്‍ഷം സ്‌ഥാനം നഷ്‌ടമായതോടെ തീവ്രവാദി ആക്രമണങ്ങള്‍ വര്‍ധിച്ചിരുന്നു. തുടര്‍ന്ന്‌ പോലീസും സൈന്യവും ഉള്‍പ്പടെ 500 ഓളം പേര്‍ക്ക്‌ ജീവന്‍ നഷ്‌ടപ്പെട്ടതായാണ്‌ കണക്കുകള്‍. മോര്‍സി പുറത്തായതിന്‌ പുറമേ അല്‍-അറിഷില്‍ നടന്ന ചാവേര്‍ ആക്രമണത്തില്‍ 30 ഓളം സൈനികര്‍ കൊല്ലപ്പെട്ടിരുന്നു.
മോര്‍സിയോട അനുഭാവം പുലര്‍ത്തുന്ന സംഘമാണ്‌ ഈജിപ്‌തിലെ തീവ്രവാദി ആക്രമണങ്ങള്‍ക്ക്‌ പിന്നില്‍. നൂറ്‌ കണക്കിന്‌ മോര്‍സി അനുകൂലികളാണ്‌ കഴിഞ്ഞ വര്‍ഷം കൊല്ലപ്പെട്ടത്‌. ആയിരക്കണക്കിന്‌ പേര്‍ ഇപ്പോഴും ഈജിപ്‌ത് ജയിലില്‍ തടവില്‍ കഴിയുന്നുണ്ട്‌.
from kerala news edited
via IFTTT
