Story Dated: Wednesday, December 31, 2014 08:11
മൂവാറ്റുപുഴ: കീച്ചേരിപ്പടിയില്‍ വീണ്ടും പൈപ്പ്‌ പൊട്ടി കുടിവെള്ളം പാഴാകുന്നു. ഇവിടെ നിരന്തരമായി പൈപ്പ്‌ പൊട്ടുന്നതിനെ തുടര്‍ന്നാണ്‌ പൈപ്പുകള്‍ നന്നാക്കി കട്ടകള്‍ നിരത്തിയത്‌. ഇതിനിടയില്‍ വീണ്ടും പൈപ്പ്‌ പൊട്ടിയത്‌ കൂടുതല്‍ പ്രതിസന്ധിയിലാക്കിയിരിക്കുകയാണ്‌. ഇനി പൈപ്പ്‌ നന്നാക്കണമെങ്കില്‍ കട്ടകള്‍ ഇളക്കി മാറ്റണം. താല്‍ക്കാലിക പരിഹാരം മാത്രമായി പൈപ്പ്‌ നന്നാക്കി റോഡ്‌ നിര്‍മാണം നടത്തിയതാണ്‌ പ്രശ്‌നത്തിന്‌ കാരണം.
പഴകിയ പൈപ്പുകള്‍ മാറ്റാന്‍ വാട്ടര്‍ അഥോറിറ്റി എസ്‌റ്റിമേറ്റുകള്‍ തയാറാക്കിയെങ്കിലും സര്‍ക്കാരിന്‌ ഫണ്ടില്ലാത്തതാണ്‌ തടസമാകുന്നത്‌. കുടിവെള്ളത്തിനായി ജനങ്ങള്‍ നെട്ടോട്ടമോടുമ്പോള്‍ നൂറുകണക്കിന്‌ ലിറ്റര്‍ ജലമാണ്‌ ദിവസവും ഇവിടെ പാഴാകുന്നത്‌. അധികൃതര്‍ അടിയന്തരമായി നടപടി സ്വീകരിക്കണമെന്ന്‌ മേഖല പൗരസമിതി ആവശ്യപ്പെട്ടു.
from kerala news edited
via IFTTT
