സര്‍ക്കാരുണ്ടാക്കാന്‍ തിടുക്കമില്ല: മെഹ്ബൂബ മുഫ്തി

Story Dated: Wednesday, December 31, 2014 02:21

ശ്രീനഗര്‍: ജമ്മു കശ്മീരില്‍ സര്‍ക്കാരുണ്ടാക്കുന്നതില്‍ ഒരു തിടുക്കവുമില്ലെന്ന് പി.ഡി.പി നേതാവ് മെഹ്ബൂബ മുഫ്തി. ഒരു പാര്‍ട്ടിക്കും വ്യക്തമായ ഭൂരിപക്ഷമില്ലാത്ത ജനവിധി സവിശേഷമായ സാഹചര്യമാണുണ്ടാക്കിയിരിക്കുന്നത്. അധികാരത്തിനു വേണ്ടി മാത്രമായി സര്‍ക്കാര്‍ രൂപീകരിക്കില്ല. ജമ്മു കശ്മീരിന്റെ വികസനത്തിനു വേണ്ടിയുള്ള സര്‍ക്കാരായിരിക്കും രൂപീകരിക്കുക. തങ്ങള്‍ക്ക് 55 എം.എല്‍.എമാരുടെ പിന്തുണയുണ്ടെന്നും മുഫ്തി പറഞ്ഞു. ഗവര്‍ണര്‍ എന്‍.എന്‍ വോറയുമായി കൂടിക്കാഴ്ച നടത്തിയ ശേഷം മാധ്യമങ്ങളുമായി സംസാരിക്കുകയായിരുന്നു മുഫ്തി.

മുന്‍ പ്രധാനമന്ത്രി എ.ബി വാജ്‌പേയിയുടെ നിലപാടുകള്‍ ശരിവച്ച മുഫ്തി കശ്മീരിന്റെ കാര്യത്തില്‍ നരേന്ദ്രമോഡി നിലപാട് വ്യക്തമാക്കണമെന്നും ആവശ്യപ്പെട്ടു. കോണ്‍ഗ്രസും നാഷണല്‍ കോണ്‍ഫറന്‍സുമടക്കമുള്ള കക്ഷികള്‍ പിന്തുണ അറിയിച്ചിട്ടും ബി.ജെ.പി നിലപാട് വ്യക്തമാകുന്നതിനാണ് മുഫ്തി സാവകാശം തേടുന്നതെന്ന് സൂചനയുണ്ട്.

from kerala news edited

via IFTTT