കോണ്‍ഗ്രസിനെ ക്ഷീണിപ്പിക്കാന്‍ കോണ്‍ഗ്രസുകാര്‍ക്കേ കഴിയൂ: മുഖ്യമന്ത്രി

Story Dated: Wednesday, December 31, 2014 03:14

തിരുവനന്തപുരം: പാര്‍ട്ടിയും സര്‍ക്കാരും രണ്ടാണെന്ന വാദം ശരിയല്ലെന്ന് മുഖ്യമന്ത്രി ഉമ്മന്‍ ചാണ്ടി. സര്‍ക്കാര്‍ എടുക്കുന്ന എല്ലാ നയങ്ങളും പാര്‍ട്ടി അറിഞ്ഞുതന്നെയാണ്. കോണ്‍ഗ്രസ് ഒന്നിച്ചു നിന്നാല്‍ യു.ഡി.എഫിനെ പരാജയപ്പെടുത്താന്‍ ആര്‍ക്കും കഴിയില്ല. കോണ്‍ഗ്രസിനെ ക്ഷീണിപ്പിക്കാന്‍ കോണ്‍ഗ്രസുകാര്‍ക്കല്ലാതെ മറ്റാര്‍ക്കും കഴിയില്ല. കോണ്‍ഗ്രസുകാര്‍ ഒരുമിച്ച് നിന്നാല്‍ ആര്‍ക്കും പാര്‍ട്ടിയെ തകര്‍ക്കാന്‍ കഴിയില്ല. പാര്‍ട്ടി ഒന്നിച്ചുനിന്നില്ലെങ്കില്‍ ഭരണത്തുടര്‍ച്ചയുണ്ടാകില്ല എന്ന സുധീരന്റെ പ്രസ്താവനയോട് പ്രതികരിക്കുകയായിരുന്നു ഉമ്മന്‍ ചാണ്ടി.

മുഖ്യമന്ത്രിയുടെ രാജി ആവശ്യപ്പെട്ട് പ്രതിപക്ഷം സമരം ആരംഭിക്കുന്നതിനെ മുഖ്യമന്ത്രി പരിഹസിച്ചു തള്ളി. കിട്ടിയതൊന്നും പോരെങ്കില്‍ സമരം നടത്തട്ടെ. നടത്തിയ സമരങ്ങള്‍ എല്ലാം പരാജയപ്പെട്ട എല്‍.ഡി.എഫ് മുഖം രക്ഷിക്കാനാണ് പുതിയ സമരവുമായി എത്തുന്നത്.

മദ്യനയത്തില്‍ പാര്‍ട്ടിയില്‍ അഭിപ്രായ ഭിന്നതിയില്ല. പത്തു ബാറുകള്‍ക്ക് ലൈസന്‍സ് അനുവദിക്കാനുള്ള ഹൈക്കോടതി ഉത്തരവിന് സ്‌റ്റേ അനുവാദിക്കാത്ത നടപടിയില്‍ സുപ്രീം കോടതിയില്‍ അപ്പീല്‍ നല്‍കുമെന്നും മുഖ്യമന്ത്രി അറിയിച്ചു.

from kerala news edited

via IFTTT