Story Dated: Wednesday, December 31, 2014 06:42
ഇസ്ലാമാബാദ്‌: സുരക്ഷാ മാനദണ്ഡങ്ങള്‍ മൂന്‍നിര്‍ത്തി പാകിസ്‌ഥാനിലെ കറാച്ചിയില്‍ ന്യൂ ഇയര്‍ ആഘോഷങ്ങള്‍ക്ക്‌ വിലക്ക്‌. ആഘോഷങ്ങള്‍ക്ക്‌ വിലക്ക്‌ ഏര്‍പ്പെടുത്തിയതെന്ന്‌ കറാച്ചി പോലീസ്‌ കമ്മീഷണര്‍ ഷൊയിബ്‌ സിദ്ദിഖി അറിയിച്ചു. നാളെ രാവിലെ 6 വരെയാണ്‌ നിരോധനം. ന്യൂ ഇയര്‍ മൂന്‍നിര്‍ത്തി 7,000 പോലീസ്‌ ഉദ്യേഗസ്‌ഥരെയാണ്‌ കറാച്ചിയില്‍ വിന്യസിച്ചിരിക്കുന്നത്‌.
ഹോട്ടലുകളും മറ്റ്‌ സ്വകാര്യ സ്‌ഥലങ്ങളും ന്യൂ ഇയര്‍ ആഘോഷങ്ങളുടെ നിരോധന പരിധിയില്‍ ഉള്‍പ്പെടും. റോഡുവഴിയുള്ള ബൈക്ക്‌ യാത്രകള്‍ക്കും നിരോധനം ഏര്‍പ്പെടുത്തിയിട്ടുണ്ട്‌. വൈകുന്നേരത്തോടെ ട്രാഫിക്കുകള്‍ പരിഹരിച്ച്‌ പ്രധാന റോഡുകള്‍ നിയന്ത്രണ വിധേയമാക്കിയതായി അധികൃതര്‍ അറിയിച്ചു.
കഴിഞ്ഞ കുറച്ച്‌ നാളുകളായി രാജ്യം നിരന്തരമായി തീവ്രവാദി ആക്രമണങ്ങള്‍ നേരിടുകയാണ്‌. പെഷവാറിലെ സ്‌കൂളില്‍ തീവ്രവാദികള്‍ നടത്തിയ ആക്രമണമായിരുന്നു ഈ വര്‍ഷം രാജ്യം കണ്ട ഏറ്റവും വലിയ ഭീകരാക്രമണം. 150 പേര്‍ക്കാണ്‌ പെഷവാര്‍ ആക്രമണത്തില്‍ ജീവന്‍ പൊലിഞ്ഞത്‌.
from kerala news edited
via IFTTT
