Story Dated: Friday, December 12, 2014 03:02
എടപ്പാള്‍: സ്വകാര്യ മൊബൈല്‍ ഫോണ്‍ കമ്പനി ഫോര്‍ജി സൗകര്യമൊരുക്കുന്നതിനായി സ്‌ഥാപിക്കുന്ന കാലുകള്‍ ഗതാഗത തടസത്തിന്‌ കാരണമാകുന്നു. റോഡിനു പുറത്തുള്ള ഫൂട്ട്‌പാത്തിനു പിറകില്‍ സ്‌ഥാപിക്കേണ്ട പോസ്‌റ്റുകള്‍ റോഡിനും ഫൂട്ട്‌പാത്തിനുമിടയില്‍ സ്‌ഥാപിച്ചതാണു പരാതിക്ക്‌ കാരണമായത്‌. അശാസ്‌ത്രീയ മായി സ്‌ഥാപിച്ച ഇത്തരം കാലുകള്‍ വാഹനങ്ങള്‍ പാര്‍ക്കു ചെയ്ുയന്നതിനും വശം ചേര്‍ന്നു പോകുന്നതിനും തടസ്സമാകുന്നുണ്ട്‌. എടപ്പാള്‍ പൊന്നാനി റോഡിലാണു കാലുകള്‍ സ്‌ഥാപിക്കുന്ന പ്രവര്‍ത്തികള്‍ നടന്നുവരുന്നത്‌. നരിപ്പറബ്‌ മുതല്‍ എടപ്പാള്‍ വരെയാണു ഇത്തരത്തില്‍ കാലുകള്‍ സ്‌ഥാപിച്ചിട്ടുള്ളത്‌. പൊന്നാനി റോഡിലെ കടള്‍ക്കു മുന്നില്‍ സ്‌ഥാപിച്ച കാലുകള്‍ അവിടെ വാഹനങ്ങള്‍ പാര്‍ക്ക്‌ ചെയ്യുന്നതിന്‌ ബുദ്ധിമുട്ടായിരിക്കുന്നത്‌. നാട്ടുകാര്‍ ഇതിനെതിരെ രംഗത്ത്‌ വന്നിട്ടുണ്ട്‌ .
from kerala news edited
via IFTTT
