Story Dated: Thursday, January 22, 2015 08:32
ഫ്‌ളോറിഡ: കൈത്തോക്ക്‌ ഉപയോഗിച്ച്‌ കളിക്കുന്നതിനിടെ അബദ്ധത്തില്‍ വെടിയേറ്റ്‌ രണ്ടു വയസുകാരന്‍ മരിച്ചു. അമേരിക്കയിലെ ഫേ്‌ളാറിഡയിലാണ്‌ സംഭവം. ഖാലിബ്‌ എന്ന കുട്ടിയാണ്‌ മരിച്ചത്‌. പിതാവ്‌ കാറില്‍ സൂക്ഷിച്ചിരുന്ന തോക്കെടുത്ത്‌ അബദ്ധത്തില്‍ നിറയൊഴിക്കുകയായിരുന്നു. കുട്ടിയെ സമീപത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
യു.എസില്‍ കുട്ടികള്‍ തോക്കുപയോഗിച്ച്‌ അപകടങ്ങള്‍ വിളിച്ച്‌ വരുത്തുന്ന സംഭവങ്ങള്‍ കൂടിവരുന്നതായി കണക്കുകള്‍ വ്യക്‌തമാക്കുന്നു. ബുധനാഴ്‌ച വീട്ടില്‍ കളിച്ചുകൊണ്ടിരുന്ന നാല്‌ വയസുകാരി കട്ടിലിന്റെ ബഡിന്‌ താഴെ സൂക്ഷിച്ചിരുന്ന തോക്കെടുത്ത്‌ മറ്റൊരു കുട്ടിയെ വെടിവച്ച സംഭവമാണ്‌ അവസാനമായി റിപ്പോര്‍ട്ട്‌ ചെയ്‌തത്‌. വെടിവപ്പില്‍ നാല്‌ വയസുകാരിയായ മറ്റൊരു കുട്ടി കൊല്ലപ്പെട്ടിരുന്നു. കൂടാതെ രണ്ട്‌ വയസുകാരന്‍ തന്റെ അമ്മയെ അബദ്ധത്തില്‍ വെടിവച്ച്‌ കൊല്ലപ്പെടുത്തിയതും ഒമ്പത്‌ വയസുകാരന്‍ തന്റെ അധ്യാപകനെ വെടിവച്ച്‌ കൊന്നതും ആഴ്‌ച്ചകള്‍ക്ക്‌ മുമ്പാണ്‌.
from kerala news edited
via IFTTT
