Story Dated: Thursday, January 22, 2015 08:25
തൃശൂര്‍: തൃശൂര്‍ അരിമ്പൂരില്‍ നിന്ന്‌ തട്ടിക്കൊണ്ടു പോയ കുട്ടിയെ കണ്ടെത്തി. അരിമ്പൂര്‍ പഞ്ചായത്ത്‌ പ്രസിഡന്റ്‌ ആന്റണിയുടെ പേരക്കുട്ടി നെസ്‌വിനെയാണ്‌ കണ്ടെത്തിയത്‌. തൃശൂരിലെ അത്താണിയില്‍ നിന്നാണ്‌ കുട്ടിയെ കണ്ടെത്തിയത്‌. കുട്ടിയെ തട്ടിക്കൊണ്ട്‌ പോയ അഞ്ചംഗ സംഘത്തെ പോലീസ്‌ അറസ്‌റ്റ് ചെയ്‌തു. മലക്കൊടി സ്വദേശികളായ ജോസ്‌, പ്രസാദ്‌ എന്നിവരുള്‍പ്പെടെ അഞ്ച്‌ പേരാണ്‌ അറസ്‌റ്റിലായത്‌. ഇവര്‍ കുട്ടിയുടെ അയല്‍ക്കാരാണ്‌. സൈബര്‍ പോലീസിന്റെയും ഷാഡോ പോലീസിന്റെയും സംയുക്‌ത അന്വേഷണത്തിലാണ്‌ കുട്ടിയെ കണ്ടെത്തിയത്‌. കുട്ടിയുടെ ബന്ധുക്കള്‍ ഇക്കാര്യം സ്‌ഥിരീകരിച്ചു.
ചൊവ്വാഴ്‌ച വൈകുന്നേരം മൂന്ന്‌ മണിയോടെയാണ്‌ കുട്ടിയെ തട്ടിക്കൊണ്ട്‌ പോയത്‌. സ്‌കൂളില്‍ നിന്നും വീട്ടിലേയ്‌ക്കുള്ള വഴിമധ്യേയാണ്‌ ഏഴുവയസ്സുകാരനായ നെസ്‌വിനെ കാറിലെത്തിയ സംഘം തട്ടിക്കൊണ്ടുപോയത്‌. കുട്ടിയെ വിട്ടു കൊടുക്കുന്നതിന്‌ മോചനദ്രവ്യം ആവശ്യപ്പെട്ട്‌ സംഘം രണ്ട്‌ ദിവസമായി വിലപേശിക്കൊണ്ടിരിക്കുകയായിരുന്നു. കുട്ടിയെ കാണാതായി രണ്ട്‌ ദിവസമായിട്ടും അന്വേഷണത്തില്‍ പുരോഗതി ഇല്ലാതിരുന്നതിനെ തുടര്‍ന്ന്‌ ബന്ധുക്കള്‍ മുഖ്യമന്ത്രിക്ക്‌ പരാതി നല്‍കിയതിന്‌ പിന്നാലെയാണ്‌ കുട്ടിയെ കണ്ടെത്തിയത്‌.
from kerala news edited
via IFTTT
