വനിതകള്‍ പിടിച്ചു വലിക്കേണ്ട എന്നോര്‍ത്താണ്‌ പിന്‍സീറ്റ്‌ തെരഞ്ഞെടുത്തത്‌: കെ.എം മാണി

Story Dated: Tuesday, March 17, 2015 05:10

തിരുവനന്തപുരം : നിയമസഭയില്‍ ബജറ്റ്‌ അവതരിപ്പിക്കുന്നതിനിടെ പ്രതിപക്ഷ വനിതാ എം.എല്‍.എമാര്‍ പിടിച്ചു വലിക്കേണ്ട എന്നു കരുതിയാണ്‌ പിന്‍സീറ്റ്‌ തെരഞ്ഞെടുത്തതെന്ന്‌ ധനമന്ത്രി കെ.എം മാണി. സഭയില്‍ വനിതകളെ കവചമാക്കി തീവ്രവാദികളെപ്പോലെയാണ്‌ പ്രതിപക്ഷം പ്രതികരിച്ചത്‌. തന്നോട്‌ വ്യക്‌തിപരമായ വൈരാഗ്യമാണ്‌ പ്രതിപക്ഷവും പ്രതിപക്ഷ നേതാവും കാണിക്കുന്നതെന്നും മാണി പറഞ്ഞു.

കോട്ടയം ഡി.സി.സി പ്രസിഡന്റ്‌ ടോമി കല്ലാനിയ്‌ക്കെതിരെയും കെ.എം മാണി രംഗത്തെത്തി. താന്‍ വീണു കാണുകയാണ്‌ ടോമിയുടെ ആഗ്രഹം. എന്നിട്ട്‌ പാലായില്‍ നിന്ന്‌ മത്സരിക്കുകയാണ്‌ അദ്ദേഹത്തിന്റെ ലക്ഷ്യമെന്നും മാണി പറഞ്ഞു. മാണി കോഴ വാങ്ങിയതായി കെ.പി.സി.സി യോഗത്തില്‍ ടോമി കല്ലാനി പറഞ്ഞിരുന്നു. ഇതിനോട്‌ പ്രതികരിക്കുകയായിരുന്നു അദ്ദേഹം. കല്ലാനിയുടെ വിമര്‍ശനത്തെ ജനങ്ങള്‍ പുശ്‌ചിച്ച്‌ തള്ളുമെന്നും താന്‍ വര്‍ഷങ്ങളായി മത്സരിച്ച്‌ വിജയിച്ച്‌ അധികാരത്തില്‍ എത്തുന്നതില്‍ ടോമിക്ക്‌ ബുദ്ധിമുട്ടുണ്ടെന്നും പാര്‍ലമെന്ററി മോഹങ്ങള്‍ ഉള്ളില്‍ വെച്ചുകൊണ്ടാണ്‌ അദ്ദേഹം തനിക്കെതിരെ നിലകൊള്ളുന്നതെന്നും മാണി കൂട്ടിച്ചേര്‍ത്തു.

from kerala news edited

via IFTTT