Story Dated: Thursday, March 12, 2015 02:21
കാസര്‍കോട്‌: കഞ്ചാവ്‌ കേസിലെ പ്രതിയുടെ വീട്ടില്‍ പോലീസ്‌ നടത്തിയ റെയ്‌ഡില്‍ രണ്ട്‌ വടിവാളുകള്‍ പിടികൂടി. കണ്ണാടിപ്പാറ ശാന്തിയോട്ടെ കലന്തര്‍ ശാഫിയുടെ വീട്‌ റൈഡ്‌ ചെയ്‌താണ്‌ പോലീസ്‌ വടിവാളുകള്‍ പിടികൂടിയത്‌.
ശാഫിയുടെ വീട്ടില്‍ മാരകായുധങ്ങള്‍ സൂക്ഷിച്ചിട്ടുണ്ടെന്ന രഹസ്യ വിവരം ലഭിച്ചതിന്റെ അടിസ്‌ഥാനത്തില്‍ മഞ്ചേശ്വരം എസ്‌.ഐ. രാജഗോപാല്‍, അഡീഷണല്‍ എസ്‌.ഐ. ഇ. ജോണ്‍ എന്നിവരാണ്‌ വീട്‌ റെയ്‌ഡ് ചെയ്‌തത്‌. വീട്ടിലെ കിടപ്പുമുറിയില്‍ കട്ടിലിനടിയില്‍ ഒളിപ്പിച്ചുവെച്ച നിലയിലാണ്‌ വടിവാളുകള്‍ ഉണ്ടായിരുന്നത്‌. പോലീസിനെ കണ്ട്‌ വീട്ടിലുണ്ടായിരുന്ന കലന്തര്‍ ശാഫി ഓടിരക്ഷപ്പെട്ടു. പോലീസ്‌ അനേ്വഷണം ആരംഭിച്ചിട്ടുണ്ട്‌.
from kerala news edited
via IFTTT
