Story Dated: Saturday, December 20, 2014 08:01
വെണ്‍മണി: നെല്‍ക്കൃഷിയിലെ നൂതന അറിവുകളും ശാസ്‌ത്രീയ വളപ്രയോഗങ്ങളും പരിചയപ്പെടുത്തുന്ന കര്‍ഷക പള്ളിക്കുടം ശ്രദ്ധേയമാകുന്നു. 10 വര്‍ഷമായി തരിശു കിടക്കുന്ന മേനിലം പാടശേഖരത്താണ്‌ പള്ളിക്കുടം പ്രവര്‍ത്തിക്കുന്നത്‌. രാവിലെ ഏഴു മുതല്‍ 10 വരെ വിവിധ മിത്ര കീടങ്ങളെയും ശത്രുകീടങ്ങളെയും കളകളേയും പരിചയപ്പെടുത്തും.
തുടര്‍ന്ന്‌ ശാസ്‌ത്രീയ വളപ്രയോഗം, സംയോജിത കീട നിയന്ത്രണ മാര്‍ഗങ്ങളെപ്പറ്റിയും ക്ലാസെടുക്കും. കര്‍ഷക പളളിക്കുടം പി.സി. അജിത്‌ ഉദ്‌ഘാടനം ചെയ്യും. മങ്കൊമ്പ്‌ കീടനിരീക്ഷണ കേന്ദ്രത്തിലെ മാത്യു എബ്രഹാം, കൃഷി ഓഫീസര്‍ വി. അനില്‍കുമാര്‍, കൃഷി അസിസ്‌റ്റന്റ്‌ റെനി തോമസ്‌ എന്നിവരാണ്‌ ക്ലാസുകള്‍ക്ക്‌ നേതൃത്വം നല്‍കുന്നത്‌.
from kerala news edited
via IFTTT
