സ്‌നേഹസംഗമം നടത്തി
Posted on: 20 Dec 2014
ദോഹ: തൃശൂര്‍ ജില്ലാ സൗഹൃദവേദി ഖത്തര്‍ ദേശീയ ദിനാഘോഷം രുമൈല ഹോസ്പിറ്റലിലെ റീഹാബിലിറ്റേഷന്‍ സെന്ററിലെ അന്തേവാസികളോടൊപ്പം ആഘോഷിച്ചു, ഹോസ്പിറ്റല്‍ സി ഇ ഒ മസൂദ് ഇബ്രാഹിം ആദം പരിപാടി ഉത്ഘാടനം ചെയ്തു.
12 വര്‍ഷമായി തൃശൂര്‍ ജില്ലാ സൗഹൃദവേദി നടത്തിവരുന്ന ഈ പരിപാടി ഹോസ്പിറ്റലിലെ അന്തേവാസികള്‍ക്കും ജീവനക്കാര്‍ക്കും സന്തോഷകരമായ അനുഭവമാണ് നല്‍കുന്നതെന്ന് അദ്ദേഹം അഭിപ്രായപെട്ടു. വേദി പ്രവര്‍ത്തനങ്ങള്‍ക്ക് എല്ലാവിധ ഭാവുകങ്ങളും, ദേശീയ ദിനാശംസകളും അദ്ദേഹം നേര്‍ന്നു. തുടര്‍ന്ന് വിവിധ കലാ പരിപാടികളും ഗാനമേളയും മധുര പലഹാര വിതരണവും നടന്നു.
വേദി പ്രസിഡന്റ് വി കെ സലിം സ്വാഗതം ആശംസിച്ചു. നഴ്‌സിംഗ് സൂപ്പര്‍വൈസര്‍ നജീബ് ലെനോര്‍, ഹെഡ്‌നേഴ്‌സ് ആനി ജോസഫ്, വേദി ജന. സെക്രട്ടറി ലോഹിദാക്ഷന്‍, കോ ഓര്‍ഡിനേറ്റര്‍ കെ എം എസ് ഹമീദ് എന്നിവര്‍ ആശംസകള്‍ നേര്‍ന്നു. എ എസ് ഹമീദ് നന്ദി രേഖപെടുത്തി. സീന മണികണ്ഠന്‍, റാഫി, സത്യന്‍, പവിത്രന്‍ എന്നിവര്‍ പരിപാടികള്‍ക്ക് നേതൃത്വം നല്‍കി.
അഹമ്മദ് പാതിരിപ്പറ്റ
from kerala news edited
via IFTTT
