Story Dated: Saturday, December 20, 2014 08:01
മണ്ണഞ്ചേരി : തെരുവ്‌ നായയുടെ കടിയേറ്റ്‌ പേവിഷബാധയേറ്റ പശുവിനെ നാട്ടുകാര്‍ കൊന്നു. നായകടിച്ചശേഷം നിരീക്ഷണത്തിലായിരുന്ന പശുവില്‍ പേവിഷബാധയുടെ ലക്ഷണങ്ങള്‍ കണ്ടപ്പോള്‍ തന്നെ പഞ്ചായത്ത്‌ അധികൃതരേയും മൃഗാശുപത്രിയിലും വിവരം അറിയിച്ചിരുന്നു. തങ്ങള്‍ക്ക്‌ പശുവിനെ കൊല്ലാന്‍ നിയമം അനുവദിക്കുന്നില്ലെന്ന മറുപടിയാണ്‌ ഇവരുടെ ഭാഗത്തുനിന്നും ഉണ്ടായതെന്ന്‌ വീട്ടുകാര്‍ പറയുന്നു.
മാരാരിക്കുളം തെക്കുപഞ്ചായത്തില്‍ 14-ാം വാര്‍ഡില്‍ വെളിയില്‍ മഹേശ്വരന്റെ പശുവിനാണ്‌ പേവിഷബാധയേറ്റത്‌. തുടര്‍ന്ന്‌ ഉറപ്പുള്ള കയറില്‍ പശുവിനെ ബന്ധിക്കുകയായിരുന്നു. ഭീതിയുടെ മുള്‍മുനയില്‍ ഒരാഴ്‌ച കഴിഞ്ഞിരുന്ന നാട്ടുകാര്‍ സംഘടിച്ചെത്തി പശുവിനെ കൊല്ലുകയായിരുന്നു. സംഭവമറിഞ്ഞ്‌ നൂറുകണക്കിനാളുകള്‍ ഈ പ്രദേശത്ത്‌ തടിച്ചുകൂടിയിരുന്നു.
from kerala news edited
via IFTTT
