Story Dated: Saturday, December 20, 2014 08:05
പൂന്തുറ: അനധികൃതമായി വിദേശമദ്യം വില്‍പ്പന നടത്തിയ യുവാവ്‌ പിടിയില്‍. പൂന്തുറ മാണിക്യവിളാകം മടുവം ടി.സി. 69/180 ല്‍ ചാര്‍ളി (28)യാണ്‌ പൂന്തുറ പോലീസിന്റെ പിടിയിലായത്‌. പൂന്തുറ മൂന്നാറ്റുമുക്ക്‌ പാലത്തിന്‌ സമീപം അനധികൃതമായി വിദേശമദ്യം യുവാവ്‌ വില്‍ക്കാന്‍ ശ്രമിച്ചതായി പോലീസ്‌ പറഞ്ഞു. ചാര്‍ളിയില്‍ നിന്ന്‌ 3.7 ലിറ്റര്‍ വിദേശമദ്യവും രൂപയും പോലീസ്‌ പിടികൂടി. പൂന്തുറ സി.ഐ. എസ്‌. വൈ. സുരേഷിന്‌ ലഭിച്ച രഹസ്യ വിവരത്തിന്റെ അടിസ്‌ഥാനത്തില്‍ എസ്‌.ഐ. സജിന്‍ ലൂയിസും സംഘവുമാണ്‌ ചാര്‍ളിയെ പിടികൂടിയത്‌.
ഇയാളെ കോടതിയില്‍ ഹാജരാക്കി റിമാന്‍ഡ്‌ ചെയ്‌തു. ക്രിസ്‌മസ്‌, ന്യൂ ഇയര്‍ പ്രമാണിച്ച്‌ പൂന്തുറ, ബീമാപള്ളി പരിസരങ്ങളില്‍ അനധികൃത മദ്യ വില്‍പ്പനയുള്ളതായി ആക്ഷേപം ഉയര്‍ന്നതിന്റെ അടിസ്‌ഥാനത്തിലാണ്‌ പൂന്തുറ പോലീസ്‌ വ്യാജമദ്യ പരിശോധന ശക്‌തമാക്കിയതെന്ന്‌ പോലീസ്‌ പറഞ്ഞു.
from kerala news edited
via IFTTT
