Story Dated: Saturday, December 20, 2014 12:39
കെയ്ന്‍സ്: ഓസ്‌ട്രേലിയയിലെ കെയ്‌നില്‍ എട്ടു കുട്ടികള്‍ കുത്തേറ്റു മരിച്ച സംഭവത്തില്‍ കുട്ടികളുടെ അമ്മ അറസ്റ്റില്‍. മുപ്പത്തിയേഴുകാരിയായ ഇവരെ പോലീസ് കസ്റ്റഡിയില്‍ കെയ്ന്‍സ് ബേസ് ആശുപത്രിയില്‍ പ്രവേശിപ്പിച്ചതായി ഡിറ്റക്ടീവ് ഇന്‍സ്‌പെക്ടര്‍ ബ്രൂണോ അസ്‌നികര്‍ അറിയിച്ചു. കൊല്ലപ്പെട്ട കുട്ടികളില്‍ ഏഴു പേരുടെ അമ്മയാണിവര്‍. ഒരു കുട്ടിയുടെ അമ്മായിയുമാണ്. ഇന്നലെയാണ് ഒന്നര വയസ്സുമുതല്‍ പരിനഞ്ചു വയസ്സ് വരെ പ്രായമുള്ള കുട്ടികളെ വീട്ടില്‍ കൊല്ലപ്പെട്ട നിലയില്‍ കണ്ടെത്തിയത്. അമ്മയ്ക്കും പരുക്കേറ്റിരുന്നു.
ഇവര്‍ അപകടനില തരണം ചെയ്തതായി അസ്‌നികര്‍ അറിയിച്ചു. ഇവര്‍ സ്വയം മുറിവേല്‍പ്പിച്ചതാണോയെന്ന് പറയാന്‍ കഴിയില്ല. ഫോറന്‍സിക് വിഭാഗം വീടിനുള്ളില്‍ പരിശോധന തുടരുകയാണെന്നും ഡിറ്റക്ടീവ് ഇന്‍സ്‌പെക്ടര്‍ പറഞ്ഞു.
from kerala news edited
via IFTTT
