Story Dated: Saturday, February 28, 2015 07:39
ആര്യനാട്‌: പൊതു സ്‌ഥലത്ത്‌ ഒഴിഞ്ഞ മദ്യ കുപ്പിയെറിഞ്ഞ്‌ പൊട്ടിച്ച സംഘത്തെ ചോദ്യം ചെയ്‌ത ലോട്ടറി കച്ചവടക്കാരനെ മര്‍ദ്ദിച്ചതായി പരാതി. ആനന്ദേശ്വരം പണിക്കന്‍ വിളാകത്തു വീട്ടില്‍ രഘു (37) വിനാണ്‌ മര്‍ദ്ദനമേറ്റത്‌. വ്യാഴാഴ്‌ച വൈകിട്ട്‌ 3.30ന്‌ ആര്യനാട്‌ ബിവറേജസ്‌ കോര്‍പ്പറേഷനു സമീപമാണ്‌ സംഭവം. വിനോദയാത്രക്ക്‌ പോയി മടങ്ങി വന്ന സംഘമാണ്‌ മര്‍ദ്ദിച്ചത്‌. ലോട്ടറി ടിക്കറ്റും പണവും രഘുവിന്‌ നഷ്‌ടപ്പെട്ടു. പരുക്കേറ്റ ഇയാള്‍ ആര്യനാട്‌ ഗവ. ആശുപത്രിയില്‍ ചികിത്സ തേടി.
സംഭവശേഷം ബൈക്കില്‍ രക്ഷപ്പെടാന്‍ ശ്രമിച്ച ചെറുപ്പക്കാരുടെ സംഘത്തെ നാട്ടുകാരാണ്‌ പിടിച്ച്‌ പോലീസിലേല്‍പ്പിച്ചത്‌. സംഭവം കണ്ട്‌ സ്‌ഥലത്തെ കട ഉടമകള്‍ സ്‌റ്റേഷനില്‍ വിളിച്ചറിയിച്ചെങ്കിലും സംഘത്തിലുള്ളവര്‍ക്ക്‌ ഓടി രക്ഷപ്പെടാനുള്ള സമയം വേണ്ടുവോളം നല്‍കിയ ശേഷമാണ്‌ സ്‌ഥലത്ത്‌ പോലീസെത്തിയത്‌.
from kerala news edited
via IFTTT
