Story Dated: Saturday, February 28, 2015 07:39
വെള്ളറട: വെള്ളറട ്ര്രഗാമപഞ്ചായത്തില്‍ രൂപം കൊണ്ടിരിക്കുന്ന പ്രകൃതി ചൂഷണങ്ങള്‍ തടയാനും ജനങ്ങളെ ബോധവല്‍ക്കരിക്കുന്നതിനും പരിസ്‌ഥിതി സംരക്ഷണ സേനക്ക്‌ രൂപം നല്‍കി. വെള്ളറട ആക്ഷന്‍ കൗണ്‍സിലിന്റെ നേതൃത്വത്തിലാണ്‌ സേന രൂപം കൊണ്ടത്‌. സഹ്യപര്‍വതമേഖലയില്‍ മാഫിയകള്‍ ലക്ഷ്യമിടുന്ന അനധികൃത ഭൂമികൈയേറ്റങ്ങള്‍ക്കും പാറഖനനങ്ങള്‍ക്കുമെതിരെ ബഹുജനങ്ങള്‍ നടത്തിയ സമര പരമ്പരകളുടെ തുടര്‍ പ്രവര്‍ത്തനങ്ങളാണ്‌ സേന ലക്ഷ്യമിടുന്നത്‌.
വെള്ളറട ആക്ഷന്‍ കൗണ്‍സില്‍ ഹാളില്‍ നടന്ന രൂപീകരണ യോഗം സി.പി.എം. വെള്ളറട ലോക്കല്‍കമ്മിറ്റി സെക്രട്ടറി എം.ആര്‍. രംഗനാഥന്‍ ഉദ്‌ഘാടനം ചെയ്‌തു. സഹ്യപവര്‍ത സംരക്ഷണ സമിതി സെക്രട്ടറി കാക്കതൂക്കി ബാല്‍രാജ്‌ അദ്ധ്യക്ഷനായി. സംസ്‌ഥാന ലൈബ്രറി കൗണ്‍സില്‍ ജോയിന്റ്‌ സെക്രട്ടറി എന്‍. എസ്‌. വിനോദ്‌, മുന്‍ഗ്രാമപഞ്ചായത്ത്‌ പ്രസിഡന്റ്‌ ടി.എന്‍. രാജ്‌ എന്നിവര്‍ മുഖ്യ ക്ലാസുകള്‍ കൈകാര്യം ചെയ്‌തു. ആക്ഷന്‍ കൗണ്‍സില്‍ പ്രസിഡന്റ്‌ റസിലയ്യന്‍, ഗീതാജയകുമാര്‍ തുടങ്ങിയവര്‍ സംസാരിച്ചു.
from kerala news edited
via IFTTT
