കലാഞ്ജലി 2015
Posted on: 01 Mar 2015
അബുദാബി: കല അബുദാബി സംഘടിപ്പിച്ച കലാഞ്ജലി 2015- ന്റെഭാഗമായി ശോഭന അവതരിപ്പിച്ച നൃത്തനാടകമായ 'കൃഷ്ണ' അരങ്ങേറി. ഇന്ത്യാ സോഷ്യല്‍സെന്ററില്‍ എല്‍.ഇ.ഡി. ദൃശ്യങ്ങളുടെ സഹായത്തോടെയാണ് ശോഭനയും പതിനേഴോളം സഹപ്രവര്‍ത്തകരുമടങ്ങുന്ന സംഘവും കൃഷ്ണ രംഗവത്കരിച്ചത്. കൃഷ്ണന്റെ ജനനംമുതല്‍ മരണംവരെയുള്ള കാലഘട്ടവും സംഭവവികാസങ്ങളും മഹാഭാരതയുദ്ധവുമെല്ലാം രണ്ടരമണിക്കൂറുകൊണ്ട് സംഘം അവതരിപ്പിച്ചു. അവതരണം മുഴുവന്‍ ഇംഗ്ലീഷിലായതിനാല്‍ പലനാടുകളില്‍ നിന്നെത്തിയവര്‍ക്കും പരിപാടി ആസ്വാദ്യമായി.
ഇന്ത്യന്‍ അംബാസഡര്‍ ടി.പി. സീതാറാം കലാഞ്ജലി 2015 ഭദ്രദീപം തെളിയിച്ച് ഉദ്ഘാടനം ചെയ്തു. കല പ്രസിഡന്റ് വേണുഗോപാല്‍ അധ്യക്ഷതവഹിച്ചു. ഐ.എസ്.സി., സമാജം, കെ.എസ്.സി. പ്രതിനിധികള്‍ ചടങ്ങില്‍ സംബന്ധിച്ചു. ഐ.എസ്.സി.യുടെ നിയുക്തപ്രസിഡന്റ് രമേശ് പണിക്കര്‍ ആശംസാപ്രസംഗം നടത്തി. കലയുടെ ഉപഹാരം ഷഫീന യൂസഫലി ശോഭനയ്ക്ക് സമ്മാനിച്ചു. സമാജം കലാതിലകപ്പട്ടം ചൂടിയ ഗോപിക ദിനേശിന് ശോഭന മൊമെന്റൊ സമ്മാനിച്ചു. ജനറല്‍ സെക്രട്ടറി ബിജു കിഴക്കനേല സ്വാഗതവും ട്രഷറര്‍ പ്രശാന്ത് മാസ്റ്റര്‍ നന്ദിയും പറഞ്ഞു.
from kerala news edited
via IFTTT
