പച്ചക്കറി മാര്‍ക്കറ്റില്‍ വന്‍ അഗ്നിബാധ
Posted on: 01 Mar 2015
അബുദാബി: മീനയിലെ പച്ചക്കറി മാര്‍ക്കറ്റില്‍ വന്‍ അഗ്നിബാധ. രാവിലെ ഏഴുമണിയോടെയാണ് തീപ്പിടിത്തമുണ്ടായത്. ഒരു പച്ചക്കറി ഗോഡൗണ്‍ മൊത്തമായി കത്തിനശിച്ചു. ആളപായമില്ല. അബു ജാബിര്‍ എന്നപേരിലുള്ള കടയുടെ ഉടമ ഇറാനി സ്വദേശിയാണ്. ഷോര്‍ട്ട് സര്‍ക്യൂട്ടാണ് അപകടകാരണം.
അബുദാബി പോലീസും അഗ്നിശമനസേനയും തക്കസമയത്ത് സുരക്ഷാപ്രവര്‍ത്തനങ്ങള്‍ക്കെത്തിയത് തീ കൂടുതല്‍ ഭാഗങ്ങളിലേക്ക് പടരാതിരിക്കാന്‍ സഹായകമായി. മലയാളികളുടെ ഉടമസ്ഥതയിലുള്ള പച്ചക്കറി ഗോഡൗണുകളും ചെറിയ കടകളുമടക്കം നിരവധി സ്ഥാപനങ്ങളുള്ള മീനയിലെ പ്രധാനമാര്‍ക്കറ്റാണിത്. അഗ്നിബാധ കൂടുതല്‍ഭാഗങ്ങളിലേക്ക് പടരാതിരിക്കാന്‍ സുരക്ഷാസേന വൈദ്യുതിബന്ധം വിഛേദിച്ചിരുന്നു.
from kerala news edited
via IFTTT
