Story Dated: Saturday, February 28, 2015 03:42
കല്‍പ്പറ്റ: ഓപ്പറേഷന്‍ സുരക്ഷയുടെ ഭാഗമായി പോലീസ്‌ നടത്തിയ പ്രത്യേക നീക്കത്തില്‍ കഴിഞ്ഞ ദിവസം ജില്ലയിലെ വിവിധ പോലീസ്‌ സ്‌റ്റേഷന്‍ പരിധികളില്‍ നിന്നായി ജാമ്യമില്ലാ വാറണ്ട്‌ പ്രതികളടക്കം 32 കുറ്റവാളികളെ അറസ്‌റ്റ് ചെയ്‌തു. തിരുനെല്ലി പോലീസ്‌ സ്‌റ്റേഷന്‍ പരിധിയിലെ കോണ്‍ഗ്രസ്‌ നേതാക്കളും ഇതില്‍ ഉള്‍പ്പെടും. വിവിധ കേസുകളിലായി കോടതി അറസ്‌റ്റ് വാറന്റ്‌ പുറപ്പെടുവിച്ച ഇവര്‍ പരസ്യമായി വിലസുകയായിരുന്നു. ഒടുവില്‍ പോലീസ്‌ അറസ്‌റ്റു ചെയ്‌തതിനെ തുടര്‍ന്ന്‌ ഇവര്‍ പോലീസിനെതിരേ തിരിഞ്ഞു. അറസ്‌റ്റില്‍ പ്രതിഷേധിച്ച്‌ തിരുനെല്ലി പോലീസ്‌ സ്‌റ്റേഷനു സമീപം ഒരു സംഘം കോണ്‍ഗ്രസ്‌ പ്രവര്‍ത്തകര്‍ കഴിഞ്ഞ ദിവസം മുദ്രാവാക്യം വിളിച്ചിരുന്നു. എസ്‌.ഐ. അടക്കമുള്ളവരെ സ്‌ഥലം മാറ്റുമെന്നാണ്‌ അറസ്‌റ്റിലായ നേതാക്കളുടെ ഭീഷണി. 24ന്‌ തുടങ്ങിയ സ്‌പെഷ്യല്‍ ഡ്രൈവില്‍ ജില്ലയില്‍ നിന്ന്‌ 93 പേരെ അറസ്‌റ്റ് ചെയ്‌തതായും ഡ്രൈവ്‌ തുടരുമെന്നും ജില്ലാ പോലീസ്‌ മേധാവി അറിയിച്ചു.
from kerala news edited
via IFTTT
