ശ്രീരാമനവമി ആഘോഷിച്ചു
Posted on: 29 Mar 2015
ബെംഗളൂരു: വിവിധ പരിപാടികളോടെ നഗരത്തില്‍ ശ്രീരാമനവമി ആഘോഷം നടന്നു. രാവിലെ മുതല്‍ തന്നെ നഗരത്തിലെ ശ്രീരാമക്ഷേത്രങ്ങളിലും മറ്റു ക്ഷേത്രങ്ങളിലും നല്ല തിരക്കായിരുന്നു. ശക്തി ശാന്താനന്ദ സ്വാമിയുടെ നേതൃത്വത്തില്‍ മാര്‍ച്ച് പത്തിന് കൊല്ലൂര്‍ മൂകാംബിക ക്ഷേത്രത്തില്‍ നിന്നാരംഭിച്ച രഥയാത്രയ്ക്ക് ബെംഗളൂരുവില്‍ മലയാളി സംഘടനകള്‍ വിവിധ സ്ഥലങ്ങളിലായി സ്വീകരണം നല്കി.
മൂകാംബിക ക്ഷേത്രത്തില്‍ നിന്ന് പ്രയാണമാരംഭിച്ച രണ്ടു രഥങ്ങളും ബെംഗളൂരുവിലെ ചന്ദാപുരയിലെത്തി ഒന്നിച്ചു പ്രയാണമാരംഭിച്ചു. രഥത്തിന് ചന്ദാപുരയില്‍ കെ.എന്‍.എസ്.എസ് ചന്ദാപുര കരയോഗം സ്വീകരണം നല്കി. മടിവാള ഹുസ്‌കൂര്‍ ഗേറ്റ്, ജിഗനി പ്രശാന്തി കുടീര, സ്വാമി വിവേകാനന്ദ കോളേജ് എന്നിവിടങ്ങളിലൂടെയായിരുന്നു രഥയാത്ര. കരയോഗം സെക്രട്ടറി പ്രസന്നകുമാര്‍ നേതൃത്വം നല്കി.
കെ.എന്‍.എസ്.എസ് വിജയനഗര്‍ കരയോഗത്തിന്റെ ആഭിമുഖ്യത്തില്‍ ശ്രീരാമനവമി രഥയാത്രയ്ക്ക് മഹാലക്ഷ്മി ലേ ഔട്ടിലെ ഹനുമാന്‍ ക്ഷേത്രത്തില്‍ സ്വീകരണം നല്കി. കരയോഗം പ്രസിഡന്റ് ടി.കെ.കെ നായര്‍, ബോര്‍ഡ് ഡയറക്ടര്‍ പി.എസ് നായര്‍, കമ്മിറ്റി അംഗങ്ങള്‍, വനിതാവിഭാഗം ഭാരവാഹികള്‍ തുടങ്ങിയവര്‍ പങ്കെടുത്തു.
from kerala news edited
via IFTTT
