Story Dated: Saturday, March 28, 2015 05:42
ന്യുഡല്‍ഹി: ബാഡ്‌മിന്റണ്‍ താരം സൈന നെഹ്‌വാള്‍ ലോക റാങ്കിംഗില്‍ ഒന്നാം സ്‌ഥാനത്ത്‌. ഇത്‌ ആദ്യമായാണ്‌ ഒരു ഇന്ത്യന്‍ താരം വനിതാ ബാഡ്‌മിന്റണ്‍ റാങ്കിംഗില്‍ ഒന്നാം സ്‌ഥാനത്ത്‌ എത്തുന്നത്‌. ഇന്ത്യന്‍ ഓപ്പണ്‍ സൂപ്പര്‍ സീരിസിന്റെ സെമി ഫൈനലില്‍ ഓള്‍ ഇംഗ്ലണ്ട്‌ ബാഡ്‌മിന്റണ്‍ ചാമ്പ്യന്‍ കരോളിന മരിന്‍ പരാജയപ്പെട്ടതോടെയാണ്‌ സൈന ലോക ഒന്നാം നമ്പര്‍ താരമായി ഉയര്‍ന്നത്‌.
വെള്ളിയാഴ്‌ച നടന്ന ആദ്യ സെമിയില്‍ സൈന ഇന്തോനേഷ്യയുടെ ഹന രമാധിനിയെ പരാജയപ്പെടുത്തിയിരുന്നു. സിരി ഫോര്‍ട്ട്‌ കോംപ്ലക്‌സില്‍ നടന്ന മത്സരത്തില്‍ 21-15, 21-12 എന്ന സ്‌കോറിനാണ്‌ സൈന ഹനയെ കീഴടക്കിയത്‌. രണ്ടാം സെമിയില്‍ സൈന ജപ്പാന്റെ യുയി ഹഷിമോട്ടെയെ നേരിടും.
മുന്‍ ബാഡ്‌മിന്റണ്‍ താരം പ്രകാശ്‌ പദുക്കോണ്‍ നേരത്തെ ബാഡ്‌മിന്റണ്‍ പുരുഷ വിഭാഗം റാങ്കിംഗില്‍ ഒന്നാം സ്‌ഥാനം നേടിയിട്ടുണ്ട്‌.
from kerala news edited
via IFTTT
